काठमाडौं। भारतको उत्तराखण्डको हरिद्वारमा १७ देखि १९ डिसेम्बरसम्म आयोजित ‘धर्म संसद’का कारण ठूलो विवाद भएको छ । जूना अखाडाका महामंडलेश्वर यति नरसिंहानन्द गिरीको अध्यक्षतामा आयोजित यो धर्म संसदमा साधु संतहरुले हिन्दुत्वका विषयमा निकै विवादित र अल्पसंख्यकलाई निशाना बनाउँदै कैयौं यस्ता भाषण दिए जसको भारतभित्रै र भारतबाहिर विश्वभरी नै कडा आलोचना भइरहेको छ ।

भारतको यो धर्म संसदको विषयमा विदेशी मिडियामा आलोचनासहितका रिपोर्ट आएका छन् । पाकिस्तानका मिडियाले पनि यसलाई प्रमुखता दिएका छन् । पाकिस्तानको प्रमुख समाचार च्यानल जियो न्यूजले धर्म संसदलाई ‘हेट स्पिच कंक्लेभ’ भनेको छ । उसले शीर्षकमै ‘हेट स्पिच कंक्लेभः भारतका हिन्दूत्ववादी नेताहरुले मञ्चबाट मुस्लिम नरसंहारको आह्वान गरे’ भनेको छ । जियोका अनुसार यो धर्म संसदमा हिन्दू समूहलाई अल्पसंख्यकविरुद्ध हतियार उठाउन अपिल गरिएको थियो ।

Hindutva leader Narsinghanand organises conclave from December 17-19 in Uttarakhand’s Haridwar city

Read more: https://t.co/h1awDxrBHn#GeoNews pic.twitter.com/BvytIf1KT8

— Geo English (@geonews_english) December 23, 2021

जियोले यति नरसिंहानन्द गिरीको बयान प्रकाशित गरेको छ जसमा उनले भनेका थिए ‘हतियार नउठाइ पृथ्वीको कुनै समुदाय न बच्न सक्छ न कहिल्यै बच्नेछ । यो धर्म संसदको एकमात्र विषय यही हो कि २०२९ मा भारतको प्रधानमन्त्री एक मुस्लिम हुनेछ । यो कुनै आधारहीन सोच होइन । जुन हिसाबले मुसलमान जनसंख्या बढिरहेको छ र हिन्दूहरुको जनसंख्या घटिरहेको छ ७ वर्षमा सडकमा केवल मुस्लिम मात्रै देखिनेछन् ।’

Hindutva leaders call for killing Muslims at recent ‘hate speech conclave’ in India: reportshttps://t.co/UCByrGhaxN

— Dawn.com (@dawn_com) December 23, 2021

पाकिस्तानी अखबार डनले यो समाचार भारतीय मिडियालाई उद्धृत गर्दै प्रकाशित गरेको छ । डनले लेखेको छ हिन्दू महासभाकी साध्वी अन्नपूर्णले पनि हतियार र नरसंहारका लागि मानिसहरुलाई उक्साउने काम गरिन् । डनले साध्वी अन्नपूर्णाको अल्पसंख्यकविरुद्ध बयान पनि प्रकाशित गरेको छ । अखबारले भारतीय प्रधानमन्त्री नरेन्द्र मोदीमाथि उनको सरकारले मुसलमानहरुप्रति भेदभाव गरेको आरोप लगाएको छ ।

Indian police probe Hindu event calling for mass killing of Muslims#etribune https://t.co/nAw0M7fIHu

— The Express Tribune (@etribune) December 24, 2021

अर्को पाकिस्तानी अखबार एक्सप्रेस ट्रिब्युनले यो समाचारको शीर्षक लेखेको छ ‘हिन्दूत्ववादी नेताहरुले भारतमा मुसलमानको नरसंहारको आह्वान गरे ।’ टिब्युनले समाचारमा ‘मोदीको नेतृत्वका भाजपासँग सम्बन्धित हिन्दूवादी समूहले अल्पसंख्यकलाई मार्ने र उनीहरुको धार्मिक स्थलमा आक्रमण गर्न आह्वान गरे’ लेखेको छ ।

Three days of hate speech summit in northern India calls for majority Hindus to pick up weapons and kill minority Muslims, sparking outrage and demands of action against speakershttps://t.co/GRx51IIgEq

— TRT World (@trtworld) December 23, 2021

टर्कीको सरकारी मिडिया टिआरटी वर्ल्डले पनि धर्म संसदका विषयमा नरेन्द्र मोदी सरकारमाथि निशाना बनाउँदै एक रिपोर्ट प्रकाशित गरेको छ । रिपोर्टमा लेखिएको छ ‘प्रधानमन्त्री मोदीले अमेरिकाले आयोजना गरेको डेमोक्रेसी समिटमा भनेका थिए कि भारतीयहरुमा कानुनको शासनको सम्मान र सर्वधर्म सम्मानको लोकतान्त्रिक भावना निहीत छ । हिन्दूत्वका नेताहरुको विवादास्पद सम्मेलन यसको एक हप्तापछि भएको छ ।’

रिपोर्टमा भारतीय प्रधानमन्त्री नरेन्द्र मोदीको आलोचना गर्दै लेखिएको छ ‘२०१४ मा मोदी सत्तामा आएपछि हिन्दूहरुको भिडले दर्जनौं मानिसहरु, मुख्य रुपले मुस्लिम र दलित हिन्दूहरुलाई अवैध रुपमा गाईको बिक्री वा गाईको मासु खाएको आशंकामा कुटेर मारेका छन् ।’

A 3-day event in India last week featured pure and unadulterated hate speech, including incitements of violence against minorities. Just horrible. And not a peep, much less a condemnation, from the gov’t. Sad truth is that this deafening silence isn’t the least bit surprising.

— Michael Kugelman (@MichaelKugelman) December 23, 2021

पाकिस्तानका सूचना मन्त्री फवाद चौधरीले एशिया प्रोग्रामका डेप्युटी डाइरेक्टर माइकल कुगेलमनको एक ट्वीटलाई रिट्वीट गरेका छन् जसमा लेखिएको छ ‘गत हप्ता भारतमा ३ दिवसीय हेट स्पिच कार्यक्रमको आयोजना गरियो जसमा अल्पसंख्यकको विरुद्ध हिंसालाई उकास्ने काम पनि भएको थियो । यो निकै भयावह छ । सरकारको तर्फबाट यसको निन्दा पनि गरिएन । दुखद सत्य यो हो कि सरकारको मौनता आश्चर्यजनक होइन ।’

What is going on?!? https://t.co/PaUPY2mfsp

— Martina Navratilova (@Martina) December 22, 2021

बाइलाइन टाइम्सका पत्रकार सीजे वार्लमनले पनि हिन्दू संसदमाथि आफ्नो टिप्पणी गरेका छन् । उनले आफ्नो एक ट्वीटमा हिन्दूत्वको तुलना हिटलरको यहुदीवादसँग गरेका छन् । वार्लमनले लेखेका छन् ‘यहुदीवाद र हिन्दूत्व दुवै एउटै हुन् ।’ अमेरिकाकी टेनिस स्टार मार्टिना नवरातोलियाले पनि यो मुद्दामा आफ्नो आक्रोश पोखेकी छिन् । उनले धर्म सभा कार्यक्रमको भिडियो ट्वीट गर्दै लेखेकी छिन् ‘यो के भइरहेको छ ?’

She is openly inciting violence against Indian Muslims. She is the female version of Hitler and planning a Holocaust in near future. She proved Muhammad Ali Jinnah was very much right in a making a separate homeland for Muslims. Thank you Jinnah sahib. https://t.co/ocGnhTC05b

— Hamid Mir (@HamidMirPAK) December 23, 2021

पाकिस्तानका पत्रकार हामिद मीरले धर्म संसदको एक भिडियो रिट्वीट गर्दै लेखेका छन् ‘यी महिला भारतीय मुसलमानहरुविरुद्ध हिंसाको लागि मानिसहरुलाई उक्साइरहेकी छिन् । यो हिटलरको महिला संस्करण हो जसले आउने समयमा नरसंहारको योजना बनाइरहेकी छिन् । यी महिलाले प्रमाणित गरिरहेकी छिन् कि मोहम्मद अली जिन्ना बिल्कुल सही थिए । उनले मुसलमानहरुको लागि अलग पाकिस्तान बनाए । धन्यवाद जिन्ना साहब ।’