काठमाडौं। भारतको पंजाबको कपूरथलामा भीडले धर्मको नाममा गरेको एक व्यक्तिको हत्या अत्यन्तै गम्भीर अपराध भएको पाइएको छ । यो घटनाको अनुसन्धानको क्रममा शुक्रबार पुलिसले एक व्यक्तिलाई गिरफ्तार गरेको छ ।

भीडले यी मारिने व्यक्तिले शिखहरुको पवित्र झण्डाको अपमान गरेको दावी गरेको थियो । तर, पुलिसले यो दावी गलत भएको बताएको छ । १९ डिसेम्बरमा निजामपुर गाउँमा गुरुद्वाराको झण्डाको अपमान गरेको आरोपमा भीडले एक व्यक्तिलाई निर्घात कुटपिट गरेर मारेको थियो ।

पुलिसले अनुसन्धानमा यो मामिलामा धर्मको अपमान भएको कुनै पनि प्रमाण फेला पारेन । पुलिसले गुरुद्वाराको रेखदेख गर्ने अमरजीत सिंहलाई गिरफ्तार गरेको छ । अमरजीत सिंहले आफूले यी मारिने व्यक्तिलाई निशान साहिक (शिखहरुको पवित्र झण्डा) को अपमान गरेको देखेको बताएका थिए । त्यसपछि उग्र भीडले ती व्यक्तिलाई मारिदिएको थियो ।

पोस्टमार्टम रिपोर्टका अनुसार पीडितको शरीरमा ३० वटा चोट पाइएका छन् । यीमध्ये धेरैजसो चोट धारिलो हतियारका छन् । जालंधर रेन्जका आइजी गुरिन्दर सिंह ढिल्लनले बीबीसी हिन्दीसँग कुरा गर्दै गुरुद्वाराको रेखदेख गर्ने व्यक्ति अमजित सिंहलाई हत्याको अभियोगमा गिरफ्तार गरिएको बताए ।

आइजी सिंहले अनुसन्धानमा शिखहरुका धार्मिक प्रतीकको अपमान भएको कुनै प्रमाण नभेटिएको बताए । उनले एफआइआरमा आइपीसी धारा ३०२ (हत्या) र धारा ३०७ (हत्याको प्रयास) पनि आकर्षित गरिएको बताए । उनका अनुसार यो मामिलामा करिब १०० जनाविरुद्ध एफआइआर दर्ता गरिएको बताए । यसअघि एफआइआर धारा २९५ ए (धार्मिक भावना आहत गरेको) अन्तर्गत दर्ता गरिएको थियो ।