काठमाडौं । पाकिस्तानले स्वीडेन र नेदरल्याण्डमा हालै भएका घटनाहरूको कडा निन्दा गरेको छ। पाकिस्तानको विदेश मन्त्रालयका प्रवक्ताले एक विज्ञप्ति जारी गर्दै यसलाई इस्लामोफोबिक घटना भनेका छन्। मन्त्रालयले स्वीडेनमा एक र्‍यालीमा पवित्र कुरानको अपमानको घटनाको पाकिस्तानले निन्दा गरेको जनाएको छ।

पाकिस्तानले नेदरल्याण्डका एक राजनीतिज्ञको बयानमा पनि कडा आपत्ति जनाएको छ, जसमा उनले इस्लाम र मुस्लिमहरूमाथि हमला गरेक थिए। पाकिस्तानले पवित्र महिना रमजानमा त्यस्ता अभिव्यक्तिको कडा आलोचना गरेको बताएको छ ।

विदेश मन्त्रालयले आफ्नो विज्ञप्तिमा भनेको छ- यी उत्तेजक इस्लामोफोबिक घटनाहरूले विश्वभरका डेढ अर्बभन्दा बढी मुस्लिमहरूको भावनामा चोट पुर्‍याउनेबाहेक केही गर्दैनन्। यस्तो कार्य अभिव्यक्ति स्वतन्त्रताको दायरा भित्र पर्दैन, किनकि अन्तर्राष्ट्रिय मानव अधिकार कानून अन्तर्गत जिम्मेवारीको भावना छ। यसमा घृणापूर्ण कथनहरू नगर्ने र मानिसहरूलाई हिंसामा उत्प्रेरित नगर्ने समावेश छ।

विदेश मन्त्रालयले पाकिस्तान वा अन्यत्र बस्ने मुस्लिमहरूले इस्लाम, इसाई धर्म र यहूदीहरूको अपमान गर्ने बानीको निन्दा गरेको बताएको छ। मन्त्रालयले धर्म र आस्थामा आधारित सबै प्रकारका हिंसाको विरुद्धमा उभिने बताएको छ । पाकिस्तानले स्वीडेन र नेदरल्यान्ड्सलाई यो भावना बताएको जनाएको छ । यी दुवै देशलाई पाकिस्तानी जनता र विश्वभर बस्ने मुस्लिमहरूको भावनाको ख्याल राख्न र इस्लामोफोबिक घटनाहरू रोक्न कदम चाल्न अपील गरिएको छ।