काठमाडौं । युक्रेन युद्धको बीचमा रुसी राष्ट्रपति भ्लादिमिर पुटिनको महाविनाशकारी विमान पछिल्ला दिनमा मस्कोको आकाशमा उडिरहेको देखिएको छ । यो विशेष विमानले आणविक युद्धको अवस्थामा पुटिनलाई हावामा उडाउन सक्छ। इल्‍यूशिन आईएल-८० मस्को शहर बाहिर धेरै तलबाट उडेको देखिएको छ । युक्रेन युद्धको बीचमा रुसले पनि आणविक हमलाको धम्की दिएको बेला यो विमान देखिएको हो ।

यसैबीच, रुसी अधिकारीहरूले उक्त विमान आउँदो सोमबार हुने वार्षिक विजय दिवस परेडमा रेड स्क्वायरमा देखिने दाबी गरेका छन्। यो विमान यस कार्यक्रमको लागि पूर्वाभ्यास गर्दैछ। सोभियत युगको यो विमान कुनै झ्यालविनाको छ। यसलाई फ्लाइङ क्रेमलिन (उडिरहेको रूसी राष्ट्रपति कार्यालय) भनिन्छ। सन् २०१० यता रुसको विजय दिवस परेडमा उक्त विमान देखिएको थिएन । यो परेड दोस्रो विश्वयुद्धमा हिटलरको सेना विरुद्ध सोभियत संघको विजयको सम्झनामा मनाइन्छ।

युक्रेन युद्धको बीचमा पुटिन पश्चिमी देशहरूलाई सन्देश दिन चाहन्छन् । आइएल-८० म्याक्सडोम विमानसँगै दुई मिग-२९ लडाकु विमानहरू पनि देखिएका थिए। यस वार्षिक परेडमा रुसको मिसाइल क्यारियर टीयु-९५ एमएस र टियु-१६० ‘व्हाइट स्वान’ पनि देख्न सकिनेछ। यस अवधिमा रुसको पाँचौं पुस्ताको लडाकु विमान सुखोई–५७ र टु–२२एम३ लामो दुरीका बम्बर पनि परेडमा सहभागी हुनेछन् ।

रुसको रक्षा मन्त्रालयले आठ मिग–२९ लडाकु विमानले आकाशमा ‘जेड’ चिन्ह बनाउने पुष्टि गरेको छ । रुसले युक्रेनमाथि यही निशानको साथ हमला गरेको छ । रसियाको आइएल-८० म्याक्सडोम विमान परमाणु हमलाको अवस्थामा रुसको आकाशमा आँखा जस्तै हो। यसमा, हावाको बीचमा तेल भर्न सकिन्छ। यो विमानको सहयोगमा पुटिनले रुसमा शासन गर्न सक्छन् र आफ्नो सेनालाई विश्वको जुनसुकै ठाउँमा परमाणु हमला गर्न आदेश दिन सक्छन् । यसमा ठूलो एन्टेना जडान गरिएको छ जसको सहायताले जहाँसुकै सञ्चार गर्न सकिन्छ।