काठमाडौं । जम्मुमा एकै परिवारका ६ जनाको शव शंकास्पद अवस्थामा फेला परेको छ ।

प्रहरीका अनुसार मृत्यु हुनेमा सकीना बेगम, उनका दुई छोरी नसिमा अख्तर र रुबिना बानो, छोरा जफर सलीम र अन्य दुई नातेदार नूर-उल-हबिब र सज्जाद अहमदको रूपमा पहिचान भएको छ।

समाचार एजेन्सी पीटीआईका अनुसार, सबै शव सिद्धारा क्षेत्रबाट बरामद गरिएको थियो र अहिले सरकारी मेडिकल कलेजमा लगिएको छ।

समाचार एजेन्सी एएनआईका अनुसार एउटा घरमा दुई जनाको शव फेला परेको थियो भने बाँकी चार परिवारको अर्को घरमा भेटिएको थियो।

प्रहरी टोली घटनास्थल पुगेर अनुसन्धान सुरु गरेको छ ।