श्रृजनशील लघुवित्तको आईपीओ भर्नेको चाप
काठमाडौँ। श्रृजनशील लघुवित्तको आईपीओमा ८३ करोड ५६ लाख ६ हजार रुपैयाँ बराबरको आवेदन परेको छ। सीडीएसका अनुसार बिहीबार बिहानसम्म ७ लाख ४७ हजार २८३ जनाले ८३ लाख ५६ हजार ६० कित्ताका लागि आवेदन दिएका हुन्। यो मागभन्दा २२.६७ गुणा बढी आवेदन हो।
कम्पनीले १५ भदौदेखि कुल ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता साधारण सेयर निष्कासन गरेको हो।
योमध्ये १९ हजार ६९० कित्ता सामूहिक लगानी कोष र ५ हजार ४७० कित्ता सेयर कर्मचारीहरुका लागि छुट्याइएको छ। बाँकी ३ लाख ६८ हजार ५९० कित्ताका लागि सर्वसाधारणले आवेदन दिन सक्नेछन्। यसमा भदौ १९ गतेसम्म आवेदन दिन सकिनेछ।
लगानीकर्ताले यसमा न्यूनतम १० कित्तादेखि अधिकतम १ हजार कित्ताको लागि आवेदन दिन सक्नेछन्। लगानीकर्ताले सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन्। यो आइपीओमा सनराइज क्यापिटल बिक्री प्रबन्धक रहेको छ।
Facebook Comment