काठमाडौं । अमेरिकामा एउटा यस्तो गाउँ छ, जसको आधा जनसंख्या यौन अपराधमा संलग्न रहिसकेका छन् । त्यस्ता मानिसहरूका लागि यो गाउँ विशेष रूपमा बनाइएको हो। तर, यस गाउँमा गम्भीर यौन अपराधमा संलग्न व्यक्तिले प्रवेश पाउँदैनन् ।

यस गाउँमा बसोबास गर्नेहरू यौन अपराधमा संलग्न भई सजाय भुक्तान गरिसकेका व्यक्तिहरू हुन् र अदालतले उनीहरूको नाम यौन अपराधीहरूको सूचीमा समावेश गरेको छ।

२०० जना जनसंख्या भएको यो गाउँ अमेरिकी शहर फ्लोरिडाको दक्षिणी भागमा अवस्थित छ। विशेष कुरा के हो भने यो गाउँमा धेरै अपराधी भए पनि बालबालिकासहित परिवारको बसोबास छ । यो गाउँ सन् २००९ मा पास्टर डेक विडेरोले बसाएका थिए। जसले गर्दा यौन अपराधमा सजाय पूरा गरेका व्यक्तिहरू समाजमा फर्किन सकुन् ।

फर्स्ट कोस्ट न्यूजको रिपोर्ट अनुसार, यो गाउँ बंगलाहरूको सानो समूहले बनेको छ। यी विलासी बंगलाहरूमा अपराधीहरू बस्छन्। फ्लोरिडा राज्यको कानून अनुसार, यौन अपराधीहरू स्कूल, पार्क वा खेल मैदानको एक हजार फिट भित्र बस्न सक्दैनन्।

रिपोर्टका अनुसार हिंसात्मक अपराधी वा श्रृङ्खलाबद्ध अपराधीहरूलाई यस गाउँमा बस्ने ठाउँ दिइँदैन। यस गाउँमा बाल यौन दुर्व्यवहारका मुद्दामा सजाय पाएका व्यक्तिलाई पनि प्रवेश दिइँदैन ।

यस गाउँका एक निवासी प्याट पावर्स पनि यौन अपराधी बनेका छन्। उनी खेलकुद प्रशिक्षणका क्रममा विद्यार्थीसँग यौनसम्पर्क गरेको अभियोगमा दोषी ठहर भएका थिए । यसपछि उनले १२ वर्ष जेल सजाय भोगे ।

तर, गाउँका कतिपय मानिसहरूले आफूहरूमध्ये यौन अपराधीहरूको उपस्थितिलाई समस्याको रूपमा पनि वर्णन गर्छन्। यस्तै एउटी महिला लिन्डा भन्छिन्– सुरुमा म रिसाएकी थिएँ । के मैले कुनै यौन अपराधीलाई चिनेको छु? छैन। के म अपराधी जान्न चाहन्छु? छैन। कसैको नराम्रो कुरा मात्र सुन्छौ। उनीहरुको जघन्य अपराध बारे जान्नुहोस्। तर, पछि उनले केही अपराधीहरूको व्यवहारमा पनि परिवर्तन आएको देखिन् ।