लिज ट्रसले बेलायतको प्रधानमन्त्रीको चुनाब जित्नेबित्तिकै गृहमन्त्री प्रिती पटेलको राजीनामा
काठमाडौं । बेलायतको बोरिस जोन्सन सरकारकी गृहमन्त्री प्रिती पटेलले प्रधानमन्त्रीको निर्वाचनमा लिज ट्रसको जितको केही घण्टापछि नै पदबाट राजीनामा दिएकी छिन्। उनले आफैंले बोरिस जोन्सनको नाममा आफ्नो राजीनामा पत्र सामाजिक सञ्जालमा सेयर गरेकी छिन् ।
राजीनामा पत्र साझा गर्दै भारतीय मूलकी प्रिती पटेलले आफूले पदबाट राजीनामा दिएको र सांसदका रूपमा सार्वजनिक सेवा जारी राख्नु आफ्नो रोजाइ रहेको बताइन् । लिज ट्रसले मंगलबार प्रधानमन्त्रीको पदभार ग्रहण गर्नेछिन् । यद्यपि, प्रिती पटेलले लिज ट्रसलाई उनको जितमा बधाई दिँदै आफ्नो पूर्ण समर्थनको वाचा गरिन्।
उनले ट्वीट गर्दै विगत तीन वर्षदेखि बेलायतको गृहमन्त्रीको रुपमा काम गर्न पाउनु आफ्नो लागि सम्मानको कुरा भएको बताइन् । प्रहरीको सुधार, अध्यागमन प्रणाली र हाम्रो देशको सुरक्षासँग सम्बन्धित काममा मलाई गर्व छ – उनले भनिन् ।
तर लिज ट्रसको जितपछि प्रिती पटेलको राजीनामाको समयलाई लिएर प्रश्न उठेको छ । लिज ट्रसको जितअघि पनि ट्रसले प्रधानमन्त्री बनेलगत्तै पटेललाई गृहमन्त्रीको पदबाट हटाउने खबर आएको थियो । उनको ठाउँमा उनले अर्को भारतीय मूलकी बेलायती सांसद सुएला ब्रेभरम्यानलाई गृहमन्त्री नियुक्त गर्न सक्नेछिन् ।
It has been the honour of my life to serve as Home Secretary for the last three years.
I am proud of our work to back the police, reform our immigration system and protect our country.
My letter to Prime Minister @BorisJohnson 👇🏽 pic.twitter.com/seTx6ikX25
— Priti Patel (@pritipatel) September 5, 2022
ब्रेभरम्यान हाल महान्यायाधिवक्ता हुन् र उनी यसपटक पनि प्रधानमन्त्री पदको दौडमा थिइन् तर पहिलो चरणमा नै उनी दौडबाट बाहिरिएकी थिइन् ।
मेल प्लसको रिपोर्टका अनुसार ट्रसको जितपछि क्याबिनेटबाट राजीनामा दिने प्रीति पटेल एक्ली मन्त्री होइनन्। संस्कृति मन्त्री नादिन डोरिजले पनि ट्रसको जितपछि राजीनामा दिए तर उनलाई पदमा रहन भनियो। जबकि प्रिति पटेलको हकमा भने उनलाई यसरी क्याबिनेटमा रहने कुनै प्रस्ताव आएको छैन ।
रिपोर्टका अनुसार प्रिती पटेलले लिज ट्रसको नेतृत्वमा रहेको मन्त्रिपरिषदबाट हटाइने लज्जास्पद अवस्थाबाट आफूलाई बचाउन राजीनामा दिनु उचित ठानिन् ।
गृहमन्त्रीको रूपमा, प्रिती पटेलको आप्रवासन र अपराध विरुद्ध लड्ने नीतिहरू पनि आलोचकहरूको आक्रमणमा परेका छन् । आलोचकहरूले उनलाई सबैभन्दा खराब गृहमन्त्रीको रूपमा वर्णन गर्दै उनको राजीनामा राम्रो छुटकाराको रूपमा वर्णन गरेका छन्।
बेलायतकी लेबर सांसद पाउला बार्करले प्रिती पटेलको नाम इतिहासमा सबैभन्दा खराब गृहमन्त्रीको रूपमा रेकर्ड गरिने ट्वीट गरेकी छन्। उनको कार्यकाल कुरूपता र दुर्भावनापूर्ण नीतिहरूले भरिएको छ, जसले हाम्रो देशलाई अन्तर्राष्ट्रिय कानूनको मार्जिनमा ल्याएको छ।
प्रिती पटेललाई विपक्षीले मात्र होइन उनका सहयोगीहरूले पनि आलोचना गरेका थिए। द इन्डिपेन्डेन्टको रिपोर्टका अनुसार उनीसँग काम गर्ने मानिसहरूले प्रायः प्रिती पटेललाई बदमास भनेका थिए।
इमिग्रेसन सर्भिसेज युनियन (आईएसयू)की एक अधिकारी लुसी मोरेटन भन्छिन् कि उनको मातहतमा काम गर्ने कर्मचारीहरूको भावनात्मक दुर्व्यवहार चरम सीमामा थियो। कर्मचारीको गुनासो कुनै पनि तहमा सुनुवाइ भएको छैन ।
बोरिस जोन्सनको सरकारमा गृहमन्त्रीको जिम्मेवारी सम्हालेकी प्रिती पटेलको तीन वर्षे कार्यकालमा उनको नाम धेरै विवादमा परेको थियो । उनको नयाँ आप्रवासन नीतिको सबैभन्दा बढी आलोचना भएको थियो।
यस वर्षको सुरुमा, पटेलले रुवाण्डासँग एउटा सम्झौतामा हस्ताक्षर गरिन्, जस अन्तर्गत बेलायतमा शरणार्थीको रूपमा रहन अनुमति माग्नेहरूलाई रुवान्डा फिर्ता पठाइयो। उनको आप्रवासन र अपराध विरुद्ध लड्ने योजनाको बारेमा धेरै विवाद भएको थियो। आफ्नो कार्यकालको अन्तिम महिनामा उनले भारत, पाकिस्तानजस्ता धेरै देशसँग अध्यागमन नीतिका विषयमा सम्झौता पनि गरेकी थिइन् ।
Facebook Comment