काठमाडौं । चिनियाँ सेनासँग सम्बन्धित सैन्य अभ्यास हेर्नको लागि रुसी राष्ट्रपति भ्लादिमिर पुटिन आज भोस्टोक २०२२ मा सहभागी भए । पुटिनको चीनसँगको निकटताले अमेरिकाको तनाव बढाएको छ ।

यस सैन्य अभ्यासमार्फत रुसले अमेरिकालगायत युरोपेली देशहरूलाई आफू विश्वमा एक्लो नभएको देखाउन चाहन्छ । यससँगै अमेरिकाले पनि रुस र चीनले गैरजिम्मेवार व्यवहार गरिरहेको र वर्तमान अमेरिकी प्रशासनप्रति उनीहरुलाई कुनै सम्मान नभएको स्वीकार गरेको छ ।

सेप्टेम्बर १ देखि ७ सम्म चल्ने यस अभ्यासमा ५० हजारभन्दा बढी सैनिकको सहभागिता छ । यस अभ्यासमा चीन, भारत जस्ता धेरै देशको सहभागिता रहेको छ । सात फरक फायरिङ रेन्जमा हुने अभ्यासमा ५ हजारभन्दा बढी हतियार, १४० विमान र ६० वटा युद्धपोत सहभागी हुनेछन् । यस सैन्य अभ्यासमा चीन, भारत, लाओस, मंगोलिया, निकारागुआ, सिरिया र पूर्व सोभियत राष्ट्रहरू सहभागी छन्।

रुसले भारतसँगको सैन्य अभ्यास ‘भोस्टोक २०२२’ घोषणा गरेपछि अमेरिका स्तब्ध भएको छ । यसमा पनि सबैभन्दा महत्त्वपूर्ण कुरा यो छ कि यस अभ्यासमा भारत र चीनका ५० हजार सैनिक र अन्य धेरै देशका सैनिक सहभागी छन् । अब यो चाललाई लिएर ह्वाइट हाउसको प्रतिक्रिया आएको छ । ह्वाइट हाउसका प्रेस सेक्रेटरी जीन पियरेले युक्रेनसँग उत्तेजित र बर्बर युद्ध गरिरहेको रुससँग सैन्य अभ्यास गर्नु अरु देशका लागि चिन्ताजनक भएको बताएका छन् ।

यस विषयमा भारतलाई किन दबाब दिइएन भनेर सोध्दा उनले भनिन्, सैन्य अभ्यासमा भाग लिने प्रत्येक देशले आफैंले निर्णय गर्नुपर्छ र यो म तिनीहरूलाई छोड्छु। सोही क्रममा यस सैन्य अभ्यासमा सहभागी देशमाथि कारबाही गर्ने प्रश्नमा उनले भनिन्, ‘यसबारे मैले केही भन्नु छैन ।’

भारतीय सेनाले आफ्नो विज्ञप्तिमा भारतीय सेनाको ७/८ गोर्खा राइफलका सैनिकको टोली अभ्यासस्थल पुगेको जनाएको छ । आगामी सात दिनमा यी सैनिकहरूले संयुक्त क्षेत्रीय प्रशिक्षण अभ्यास, युद्ध छलफल र गोलाबारी अभ्यास गर्न संयुक्त अभ्यास गर्नेछन्।

रक्षा मन्त्रालयले भन्यो कि भारतीय सेनाको दल व्यावहारिक पक्षहरू साझा गर्न र मान्य अभ्यास, प्रक्रिया र नयाँ प्रविधिको अभ्यासबाट छलफल र सामरिक अभ्यासबाट सिक्न तत्पर छ।