काठमाडौं । सन् २०२२ को नोबेल पुरस्कारको घोषणा सुरु भएको छ । यस वर्षको भौतिकशास्त्रतर्फको नोबेल पुरस्कार तीन वैज्ञानिकले संयुक्त रूपमा प्राप्त गरेका छन् । यसमा ल्यान एस्पेक्ट, जोन एफ क्लाउजर र एन्टोन जेलिङ्गर पर्छन्।

सन् २०२१ मा पनि भौतिकशास्त्रको क्षेत्रमा तीन जना वैज्ञानिकलाई संयुक्त रुपमा नोबेल पुरस्कार प्रदान गरिएको थियो । नोबेल पुरस्कार दिने संस्थाले ट्विट गर्दै यस पटकको सम्मान घोषणा गरेको हो ।

आफ्नो ट्वीटमा, संगठनले लेख्यो, “रोयल स्वीडिश एकेडेमी अफ साइन्सेजले एलेन एस्पेक्ट, जोन एफ क्लाउजर र एन्टोन जेलिङ्गरलाई २०२२ को भौतिकशास्त्रको नोबेल पुरस्कार दिने निर्णय गरेको छ।”

क्वान्टम मेकानिक्सको क्षेत्रमा उत्कृष्ट प्रयोग र काम गरेबापत तीनै वैज्ञानिकलाई यो पुरस्कार प्रदान गरिएको हो । अलेन एस्पेक्ट फ्रान्सका, जोन एफ क्लाउजर अमेरिका र एन्टोन जेलिङ्गर अस्ट्रियाका हुन् ।

यसअघि सोमबार स्वीडेनका वैज्ञानिक स्वान्ते पाबोलाई चिकित्सा क्षेत्रमा नोबेल पुरस्कार प्रदान गरिएको थियो ।

यो पुरस्कार डाइनामाइटका आविष्कारक र धनी स्विडेनी व्यापारी अल्फ्रेड नोबेलले स्थापना गरेका हुन्। उनले आफ्नो मृत्युको एक वर्ष अघि, १८९६ मा आफ्नो इच्छामा यसलाई व्यवस्थित गरे। त्यसपछि सन् १९०१ देखि हरेक वर्ष विज्ञान, साहित्य र शान्ति जस्ता क्षेत्रमा उपलब्धि हासिल गरेबापत यो पुरस्कार दिइँदै आएको छ । पछि अर्थशास्त्र पनि यसमा समावेश भयो ।