काठमाडौं । अमेरिकी अखबार वाल स्ट्रिट जर्नलमा हालै एउटा विज्ञापन प्रकाशित भएको छ, जसलाई लिएर निकै विवाद भएको छ । अखबारको विज्ञापनमा भारतकी अर्थमन्त्री निर्मला सीतारमण, सर्वोच्च अदालतका न्यायाधीशहरू, प्रवर्तन निदेशालय (ईडी) र देवास-एन्ट्रिक्स मुद्दामा संलग्न अन्य अधिकारीहरूलाई वान्टेड भन्दै प्रतिबन्ध लगाउन माग गरिएको छ।

अक्टोबर १३ मा अखबारमा प्रकाशित विज्ञापनमा ‘भारतलाई लगानीका लागि असुरक्षित स्थान बनाउने अधिकारीहरूलाई भेट्नुहोस्’ लेखिएको छ। यसमा ११ जनालाई प्रतिबन्ध लगाउन माग गरिएको छ र विज्ञापनको शीर्षक ‘मोदीको म्याग्निटस्की ११’ राखिएको छ ।

अमेरिकी सरकारको २०१६ ग्लोबल म्याग्निटस्की कानून अन्तर्गत, मानव अधिकार उल्लङ्घन गर्ने विदेशी सरकारी अधिकारीहरूलाई प्रतिबन्ध लगाइएको छ। अर्थमन्त्री निर्मला सीतारमण अमेरिका भ्रमणमा रहेका बेला यो विज्ञापन जारी गरिएको हो ।

सीतारामन अन्तर्राष्ट्रिय मुद्रा कोष र विश्व बैंकको वार्षिक बैठकमा भाग लिन अक्टोबर ११ मा वाशिंगटन आइपुगेकी थिइन् र अक्टोबर १६ सम्म अमेरिकामा रहनेछिन्। अमेरिकाको गैरसरकारी संस्था फ्रन्टियर्स अफ फ्रिडमले यो विज्ञापन जारी गरेको हो । फ्रन्टियर्स अफ फ्रिडमको वेबसाइटका अनुसार, यो एक शैक्षिक संस्था हो जसले ‘व्यक्तिगत स्वतन्त्रता, शक्ति मार्फत शान्ति, सीमित सरकार, स्वतन्त्र उद्यम, स्वतन्त्र बजार र परम्परागत अमेरिकी मूल्यहरू’ को सिद्धान्तहरूलाई बढावा दिन्छ।

Check out pg. A8A of the @WSJ DC edition today for @Fof_Liberty ‘s newest ad exposing #IndiasMagnitsky11 & @FinMinIndia @NirmalaSitharaman ‘s actions that have decimated the rule of law & investment climate in India pic.twitter.com/6aiVHrq6A6

— George Landrith (@GLandrith) October 13, 2022

विज्ञापनमा ११ जनाको नाम राखिएको छ, जसमा लेखिएको छ, ‘मोदी सरकारका यी अधिकारीहरूले राजनीतिक र व्यापारिक प्रतिद्वन्द्वीलाई मिलाउन राज्यका संस्थाहरूलाई हतियारको रूपमा प्रयोग गरेर कानुनी शासनको अन्त्य गरेका छन्, यसले भारतलाई लगानीकर्ताका लागि असुरक्षित बनाएको छ ।’

“हामी अमेरिकी सरकारलाई ग्लोबल म्याग्निटस्की मानव अधिकार जवाफदेहिता ऐन अन्तर्गत उनीहरु विरुद्ध आर्थिक र भिसा प्रतिबन्ध लगाउन आग्रह गर्दछौं। मोदी शासनमा कानूनको शासन खस्किएको छ र भारत एक खतरनाक लगानी गन्तव्य भएको छ। यदि तपाईं भारतमा लगानीकर्ता हुनुहुन्छ भने, तपाईं एक्लै हुन सक्नुहुन्छ।”

पत्रिकामा प्रकाशित विज्ञापनमा अर्थमन्त्री निर्मला सीतारमण, एन्ट्रिक्सका अध्यक्ष राकेश शशिभूषण, सलिसिटर जनरल तुषार मेहता, अतिरिक्त सोलिसिटर जनरल एन. वेंकटरामन, न्यायमूर्ति हेमन्त गुप्ता, न्यायमूर्ति वी. रामासुब्रमण्यम, सीबीआई डीएसपी आशिष पारिक, ईडी निर्देशक सञ्जय कुमार मिश्रा, उपनिर्देशक ए. सादिक मोहम्मद नैजनार, सहायक निर्देशक आर. राजेश र विशेष न्यायाधीश चन्द्र शेखरलाई प्रतिबन्ध लगाउन माग गरिएको छ ।

फ्रन्टियर्स अफ फ्रिडमका संस्थापक र रिपब्लिकन सिनेटर जर्ज ल्यान्ड्रिथले यो विज्ञापन ट्वीट गरेका छन्। उनले लेखेका छन्, ‘फ्रन्टियर्स अफ फ्रिडमको नयाँ विज्ञापनले भारतमा कानूनको शासन र लगानीको वातावरणलाई ध्वस्त पार्ने भारतको म्याग्निट्स्की इलेवन र अर्थमन्त्रीको कार्यलाई उजागर गरेको छ।” उनले अर्को ट्वीटमा लेखेका छन्, “भारतको म्याग्निटस्की इलेवन, निर्मला सीतारमण, नरेन्द्र मोदी र बीजेपीले भारतका सम्भावित लगानीकर्ताहरूलाई स्पष्ट सन्देश दिएको छ कि भारत लगानीका लागि खतरनाक ठाउँ हो।”