काठमाडौं । विवाहको दिन अचानक बेहुलीलाई सुत्केरी व्यथा लाग्यो । त्यसपछि उनले विवाहको केही घण्टा अघि एक स्वस्थ बच्चालाई जन्म दिइन् । अचानक बच्चा जन्मिएपछि दम्पती अचम्ममा परेका थिए । भव्य विवाह स्थलमा विवाह गर्ने उनीहरुको योजना असफल भयो ।

घटना नेदरल्याण्डको डोड्रेचको हो । बेहुली पहिले नै गर्भवती थिइन्। तर निकोल र मार्कले विवाह गरेपछि मात्र बच्चा जन्माउने सोचेका थिए। यो जोडीले निर्धारित मितिभन्दा धेरै अघि नै विवाहको मिति तय गरेका थिए । तर छोरी लिकीको जन्म तोकिएको मितिभन्दा ५ हप्ता अगाडि नै भएको थियो । र प्रसव अघि दम्पतीको विवाह योजना असफल भयो।

अक्टोबर २६ गते विवाह भएको दिन दिउँसो २ बजे बच्चा जन्मिएको थियो । जसका कारण उनीहरूले योजना परिवर्तन गर्नुपरेको थियो । तर विशेष कुरा यो हो कि यस कारणले यो जोडीको विवाह रोकिएको छैन। सुत्केरी पछि दम्पतीले सोही दिन शहरको अल्बर्ट स्विट्जर अस्पतालमा विवाह गरे।

बच्चा जन्मेको सोही दिन अस्पतालको प्रार्थना कक्षमा दम्पतीले विवाह गरेका थिए । अचानक बच्चा जन्मिए पनि दम्पतीले अस्पतालमै सानो कार्यक्रम गर्ने योजना बनाएका थिए । र, पाहुनाहरु विवाह स्थलको सट्टा अस्पताल आए ।

निजामती रजिष्ट्री अधिकारीहरू पनि विवाह दर्ताका लागि अस्पताल पुगेका थिए । समारोहको क्रममा अफिसरहरूले दम्पतीलाई भने – तपाईले आफ्नो विवाहको दिन कहिल्यै बिर्सनुहुन्न। अब देखि यो दोहोरो उत्सवको लागी एक मौका हुनेछ।

अस्पतालले एक विज्ञप्ति जारी गर्दै भनेको छ- दुलही निकोल र मार्कले छोरीको जन्म हुनुभन्दा धेरै अघि नै विवाह गर्ने सोचेका थिए। तर बेबी लीकीको फरक विचार थियो। उनको जन्म २६ अक्टोबर दिउँसो २ बजे भएको थियो । विशेष कुरा के छ भने आमा र बच्चा दुवै स्वस्थ छन् ।