काठमाडौं । कामको क्रममा एक व्यक्तिले यति धेरै रक्सी पिए कि उनी बेहोस भए र त्यसपछि सहकर्मीले उनलाई घरसम्म लिएर गए । यस कार्यका कारण व्यक्तिलाई कम्पनीबाट बर्खास्त गरिएको थियो। तर उक्त व्यक्ति उक्त मुद्दालाई लिएर अदालत पुगे । सुनुवाइपछि उनको पक्षमा फैसला आयो । अदालतले कम्पनीले भेदभाव गरेको ठहर गर्दै करिब ५२ लाख रुपैयाँ क्षतिपूर्ति दिएको छ ।

घटना आयरल्याण्डको हो । रक्सीको लतको सिकार भएका इमन मर्फीलाई बगलेस्टाउन सहरको कोनोलीको सुपरभालु सुपरमार्केटको इन्चार्ज बनाइएको थियो। घटना भएको दिन पसलका सञ्चालक बाहिर गएका थिए । भनिन्छ, मदिरासँग सम्बन्धित धेरै घटना बाहिर आएपछि पनि इमन कामको समयमा अनुशासनमा बस्ने गर्थे । कम्पनीका डाक्टरले पनि उनलाई कामका लागि उपयुक्त घोषणा गरेका थिए ।

रोजगार न्यायाधिकरणमा सुनुवाईको क्रममा २४ अक्टोबर २०२० मा इमोन मर्फीले ‘धेरै मात्रामा रक्सी पिएको’ बताइयो। त्यसपछि कामको क्रममा पनि उनले यति धेरै भोड्का पिए कि उनी बेहोस भए । मर्फीका वकिल हेलेन ब्यारीले रक्सी पिएपछि उनी बेहोस भएपछि सहकर्मीले उनलाई घर लगेको बताए । यो घटनापछि माइकल कोनोली एन्ड सन्स लिमिटेड कम्पनीले मर्फीलाई जागिरबाट हटायो। कम्पनीले मर्फीको कार्यलाई विश्वासको “अत्याधिक” उल्लंघन भनेको छ।

डेलीस्टारको रिपोर्टका अनुसार न्यायिक अधिकारी माइकल म्याकन्टीले ट्रिब्युनल अदालतमा स्वीकार गरे कि मर्फीको रक्सीको लतलाई अपाङ्गताको रूपमा व्यवहार गरिएको थियो । म्याकन्टीले भने कि मर्फी कम्पनीबाट अचानक बर्खास्त भएका कारण १८ हप्तादेखि बेरोजगार थिए। नयाँ जागिरमा पनि कम तलब पाइरहेका थिए ।

उनले नयाँ जागिरमा करिब २३ लाख रुपैयाँ पाउँछन् । कानूनी रूपमा मर्फीको १०४ हप्ताको हानि छ। यस क्रममा उनको करिब ८५ लाख रुपैयाँ बराबरको नोक्सानी भएको थियो । मुद्दामा, म्याकन्टीले मर्फीको पक्षमा फैसला गरे र आफ्नो पुरानो कम्पनीलाई लगभग ३४ हजार पाउण्ड क्षतिपूर्ति तिराउने निर्णय गरे।