काठमाडौं । एक व्यक्ति आफ्नो थ्रुपल रिलेसनसिपको चर्चामा छन् । उनी एउटै घरमा दुई प्रेमिकासँग बस्छन् । तर, उनको यो सम्बन्धलाई लिएर मानिसहरुबाट धेरै आलोचना सुन्न पाइन्छ ।

तर संसारको परवाह नगरी, माजियाह स्टेफनी र रोजा नामक केटीहरूसँग खुसीसाथ आफ्नो जीवन बिताइरहेका छन्। माजियाहको जीवनमा प्रवेश गर्ने पहिलो महिला स्टेफनी थिइन्। तर केही समयपछि उनीहरुको ब्रेकअप भयो । ब्रेकअप पछि, माजियाह रोजासँग प्रेममा परे।

केही समय पछि, स्टेफनी फेरि माजियाडमा आकर्षित भइन् र सँगै बस्ने इच्छा व्यक्त गरिन् । रोजाले यो कुरा थाहा पाएपछि तीनैजना सँगै बसेर छलफल गरे । त्यसपछि उनीहरुले आपसी सहमतिमा एउटै छानामुनि सँगै बस्न स्वीकार गरे । अहिले यो तीनजनाको जोडी सँगै बस्दै आएका छन् ।

हालै युट्युब च्यानल ट्रुली अनमा माजियाहको जीवनमा एउटा भिडियो अपलोड गरिएको छ । यसमा उनीहरूले आफ्नो जीवन संग सम्बन्धित सबै कुराहरु बताए। भिडियोमा माजियाहले आफू स्टेफनी र रोजासँग थ्रुपल रिलेसनसिपमा बसेको बताएका छन् । उनीहरुबीच राम्रो समझदारी छ । हरेक काममिलेर गर्छन् ।

माजियाहले सन् २०१४ मा स्टेफनीसँग भेट भएको बताए । केही समयपछि दुवैले एकअर्कालाई डेट गर्न थाले । तर पछि उनीहरुको ब्रेकअप भयो । यसपछि सन् २०१८ मा रोजासँग भेट भयो र दुवै रिलेसनसिपमा परे ।

यसैबीच, स्टेफनी र माजियाह बीचको निकटता फेरि बढ्न थाल्यो। यस्तो अवस्थामा उनले स्टेफनी र रोजालाई २०१९ मा भेट्न पाए । त्यसपछि तीनै जना सँगै बस्न सहमत भए । रोजा भन्छिन्– म उभयलिंगी हुँ र मलाई महिला र पुरुष दुवै मन पर्छ ।

भिडियोमा उनीहरूले आफ्ना ८ सन्तान रहेको पनि बताए । स्टेफनी अहिले गर्भवती छिन्। उनी भन्छिन्– पोल्यामोरस रिलेसनसिप (एकै समयमा धेरै व्यक्तिसँगको सम्बन्ध) राम्रो छ किनभने बच्चाहरूको हेरचाह गर्न धेरै मानिसहरू उपस्थित छन्। यससँगै घरायसी कामदेखि अन्य काममा हात बाँडिन्छ ।

स्टेफनीकी आमाले पनि उनलाई साथ दिन्छिन्। उनी भन्छिन् कि सबैको आ-आफ्नो रोजाइ छ। म छोरीको रोजाइलाई समर्थन गर्छु।

तर, दुई केटी र एक केटासँग बसेको कारण सामाजिक सञ्जालमा यो जोडी निकै ट्रोल भएको छ । उनीहरुको बारेमा नराम्रा कुराहरु भनिन्छ । कतिपयले दुवै महिलाको ब्रेन वास भएको र कसैले समाजमा गलत सन्देश दिएको बताएका छन् ।