काठमाडौं । एक पुरुषले अर्को महिलालाई आफ्नो वैवाहिक जीवनमा ल्याए । श्रीमतीको सल्लाहमा उनले यो काम गरेका हुन् । आफ्नी श्रीमतीको खुशीको लागि, पुरुषले अर्को महिलासँग बस्न स्वीकार गरे। अहिले तीनै जना एउटै छानामुनि खुसीसाथ बसिरहेका छन् । तीनैजनाले आफ्नो सम्बन्धलाई थ्रुपलको रूपमा वर्णन गर्छन्।

वास्तवमा ३१ वर्षीय डिएगो रोड्रिग्ज डी सुजा र २८ वर्षीय सैनी करेनको भेट सन् २००६ मा डेटिङ एपमार्फत भएको थियो । तीन वर्ष एकअर्कालाई डेट गरेपछि उनीहरुले सन् २००९ मा विवाह गरेका थिए । विवाहको सात वर्षपछि सैनीले सन्तानलाई जन्म दिएकी हुन् ।

आमा बनेको केही समयपछि सैनीलाई आफू उभयलिंगी भएको थाहा भयो र उनले यो कुरा आफ्ना पति रोड्रिग्जलाई बताएकी थिइन् । यस्तो अवस्थामा, विवाहको १० वर्षपछि, दम्पतीले पारस्परिक सहमतिमा आफ्नो जीवनमा तेस्रो व्यक्तिलाई पोलिमोरी सम्बन्ध अन्तर्गत ल्याउने निर्णय गरे। पोलिमोरी सम्बन्ध भन्नाले आपसी सहमतिमा एक पटकमा एकभन्दा बढी पार्टनरसँग रोमान्टिक सम्बन्ध राख्नु हो।

तर सैनीको चाहना अनुसार तेस्रो व्यक्ति पुरुष नभई महिला हुनुपर्ने थियो । केही समयमै डेटिङ एपमार्फत उनीहरूको खोजी पूरा भयो र उनीहरूको भेट २५ वर्षीया करिना केर्लेसँग भयो। त्यसपछि केर्ले विवाहित सैनी र रोड्रिग्सको जीवनमा प्रवेश गरिन् र उनी पनि उनीहरूसँगै बस्न थालिन्। पछि रोड्रिग्सले केर्लेसँग पनि विवाह गरे।

‘डेली स्टार’का अनुसार ब्राजिलमा बसोबास गर्दै आएका यी थ्रुपलले सुरुमा पोलिमोरी रिलेसनसिपमा केही समस्या भोगे पनि पछि वार्ता र आपसी समन्वयबाट सबै कुरा सामान्य बनाएका थिए । तर, आज पनि उनीहरुको सम्बन्धलाई आफन्तले स्वीकार गर्न सकेका छैनन् । उनीहरूले आफ्नो समुदायको आलोचना पनि भोग्नु परेको छ ।