काठमाडौं । पाकिस्तानका पूर्वप्रधानमन्त्री तथा पीटीआईका अध्यक्ष इमरान खानले शहबाज शरीफको नेतृत्वमा रहेको संघीय सरकारले वार्तामा बसेर आम निर्वाचनको मिति घोषणा नगरे पञ्जाब र खैबर पख्तुनख्वा प्रान्तका विधानसभाहरू भंग गर्ने चेतावनी दिएका छन् ।

पीटीआई प्रमुखले गत हप्ता आफ्ना विधायकहरूले प्रान्तीय सभाबाट राजीनामा दिने घोषणा गरेका थिए। तर, यसले विनाश निम्त्याउने भन्दै यो धम्की फिर्ता लिएको उनले बताए ।

शुक्रबार पञ्जाब संसदीय दलको भाषणमा खानले भने, “मैले निर्णय गरेको छु कि या त उनीहरू हामीसँग बसेर चुनावको मिति तय गर्नेछन् वा पाकिस्तानको ६६ प्रतिशत भागमा खैबर पख्तुनख्वा र पंजाबको विधानसभा भंग गरेर चुनाव हुनेछ।

इमरान खानको पार्टी पीटीआई पञ्जाब, खैबर पख्तुनख्वा, पीओके र गिलगिट-बाल्टिस्तान प्रान्तमा सत्तामा छ। यद्यपि पार्टीले पञ्जाब र खैबर पख्तुनख्वामा विधानसभा विघटन गर्ने मिति भने घोषणा गरेको छैन ।

इमरानले भने कि हामी तपाईलाई हामीसँग बस्ने मौका दिन सक्छौं। खानले भने, ‘के तपाई पाकिस्तानको ६६ प्रतिशतमा मात्र चुनाव होस् र केन्द्रमा बसिरहौं भन्ने चाहनुहुन्छ ? पाकिस्तान मुस्लिम लिग-नवाज (पीएमएल-एन) नेतृत्वको संघीय सरकारले पञ्जाब र खैबर पख्तुनख्वा प्रान्तमा गभर्नर शासन लागू गर्ने धम्की दिएको छ।

तर, गृहमन्त्री राणा सनाउल्लाहले वार्ताका लागि खानको प्रस्तावलाई सावधानीपूर्वक स्वागत गरे। सनाउल्लाहले राजनीतिज्ञहरु सँगै बस्दा समस्या समाधान हुने बताए । सनाउल्लाहले भने कि इमरानले सरकारसँग वार्ता गर्नुभन्दा मर्नु राम्रो हो भन्ने गर्थे । हाम्रो सरकार सधै वार्तामा विश्वास गर्छ ।

यस वर्षको अप्रिलमा राष्ट्रिय सभामा अविश्वासको प्रस्ताव पारित भएपछि इमरान खानको सरकार पतन भएको थियो। प्रधानमन्त्री पदबाट हटाइएपछि उनले लगातार नयाँ निर्वाचनको माग गर्दै आएका छन् । तर, सरिफको नेतृत्वमा रहेको संघीय सरकारले अहिले चुनाव गराउने कुराको विरोध गरिरहेको छ । वर्तमान सभाको कार्यकाल अगस्त २०२३ मा समाप्त हुनेछ।