काठमाडौं । रुसी राष्ट्रपति भ्लादिमिर पुटिन र चिनियाँ राष्ट्रपति सी जिनपिङबीचको दुई दिने वार्ता मंगलबार सकिएको छ । सो क्रममा उनीहरूले ‘पावर अफ साइबेरिया २’ अन्तर्गत मङ्गोलिया हुँदै चीनलाई ग्यास आपूर्ति गर्न सकिने ठूलो पूर्वाधार परियोजनाबारे छलफल गरे ।

समाचार एजेन्सी रोयटर्सका अनुसार यो पाइपलाइनले पश्चिमी साइबेरियाको यामल रिजर्भबाट चीनलाई ग्यास आपूर्ति गर्न सक्छ। साइबेरियाको पहिलो पावर पाइपलाइन तीन हजार किलोमिटर लामो छ र साइबेरियाबाट उत्तरपूर्वी चीनको हेलोङजियाङ प्रान्तसम्म जान्छ।

रुसको राज्य ग्यास कम्पनी ग्याजप्रोमको नक्सा अनुसार नयाँ रुट मङ्गोलिया हुँदै चीनको उत्तरी भागमा जानेछ ।

कम्पनीले सन् २०२० मा सम्भाव्यता अध्ययन थालेको र सन् २०३० देखि ग्यास आपूर्ति सुरु गर्ने लक्ष्य राखेको छ । यो २६०० किलोमिटर लामो लाइनले वार्षिक ५० अर्ब घनमिटर ग्यास ढुवानी गर्न सक्छ ।

यो बाल्टिक हुँदै रुसबाट जर्मनीसम्मको पाइपलाइनको स्ट्रिम १ भन्दा अलि कम हो। यो पाइपलाइन अब प्रयोगमा छैन। जिनपिङको भ्रमणअघि पुटिनले पावर अफ साइबेरिया पाइपलाइनलाई ‘शताब्दीको सम्झौता’ भएको बताएका थिए।

तर उनीहरुको वार्तापछि जारी संयुक्त विज्ञप्तिमा संलग्न पक्षले ‘काम र अध्ययनलाई अगाडि बढाउन पहल गर्ने’ मात्रै भनिएको छ । तर, जिनपिङको आधिकारिक विज्ञप्तिमा यो उल्लेख गरिएको छैन।