विश्वकप छनोट : कुशल भुर्तेल ९९ रनमा आउट
काठमाडौं । विश्वकप छनोटको पहिलो खेलमा आज जिम्बाब्वेविरुद्ध नेपालका ओपनर कुशल भुर्तेल शतकबाट चुकेका छन् । उनी ९९ बलमा आउट भएका हुन् । उनलाई विलिङ्टन मासाकाड्जाले बोल्ड गरे ।
आजको खेलमा नेपालले पहिले ब्याटिङ गरिरहेको छ । हारारे स्पोर्टस क्लवमा टस हारेर पहिले ब्याटिङको निम्तो पाएको नेपालले ३१.५ ओभरको खेल सकिँदासम्म एक विकेटको क्षतिमौ १७१ रन बनाएको छ ।
नेपालका लागि ओपनर कुशल भुर्तेलले ९९ रन बनाए । अर्का ओपनर आसिफ शेख ६५ रनमा नटआउट छन् । नेपालका ओपनरबाट भएको राम्रो साझेदारीले नेपाली फ्यानले ठूलो स्कोरको अपेक्षा गरेका छन् ।
विश्वकप छनोटमा कूल १० टिमले प्रतिस्पर्धा गर्दैछन् । यीमध्ये शीर्ष २ टोली मात्र विश्वकपमा जान पाउनेछन् । यो छनोट खेलमा नेपालको समूहमा जिम्बाब्वे, वेष्ट इण्डिज, अमेरिका र नेदरल्याण्ड छन् । समूह चरणका शीर्ष ३ टोली सुपर सिक्समा जानेछन् र त्यसपछि अंक तालिकाका शीर्ष २ टोली विश्वकपमा जानेछन् ।
Facebook Comment