काठमाडौं । संयुक्त अरब इमिरेट्स (युएई)मा युएईका जनताको खिल्ली उडाउने एक व्यक्ति पक्राउ परेका छन् । उक्त व्यक्तिले एक कमेडी भिडियो सेयर गरेका छन् जसमा उनी युएईका मानिसजस्तै लुगा लगाएको देखिएका छन् । एक व्यक्ति नोटको ट्रे लिएर कारको शोरुममा प्रवेश गर्छन् र कार किन्ने बहाना गर्छ।

युएइको समाचार एजेन्सी डब्लुएएमको रिपोर्ट अनुसार ती व्यक्तिलाई जनताको भावना भड्काएको र सार्वजनिक हितमा चोट पुर्‍याउन प्रचार प्रसार गरेको आरोप लगाइएको छ।

भिडियोमा देख्न सकिन्छ कि ती व्यक्ति इमिराती पोशाकमा आफ्ना दुई सहायकका साथ एक लक्जरी शोरुममा प्रवेश गर्छन्। उनका दुवै सहयोगी पैसाले भरिएको ट्रे बोकेर उनको पछाडि हिँडिरहेको देखिन्छ। उक्त व्यक्ति एसियाली देशबाट आएको बताइएको छ ।

अफवाह र साइबर अपराधहरू विरुद्ध लड्न, युएईको संघीय अभियोजनले ती व्यक्तिलाई थप अनुसन्धानका लागि हिरासतमा राख्न आदेश दिएको छ। उक्त व्यक्तिमाथि युएईका जनताको अपमान गर्ने सामग्री प्रकाशित गरेको आरोप पनि लागेको छ ।

भिडियोमा ती व्यक्ति अरबी लवजमा अंग्रेजी बोलिरहेको देख्न सकिन्छ। शोरुममा छिर्नेबित्तिकै उनले सबैभन्दा महँगो कार देखाउन आग्रह गर्छन् । तर जब उनलाई शोरुममा सबैभन्दा महँगो कार देखाइन्छ जसको मूल्य २२ लाख दिर्हाम हुन्छ, तब उनले त्योभन्दा महँगो कार चाहेको भन्दै त्यो कार किन्न अस्वीकार गर्छन् ।

The UAE is arresting him over this video. Said it makes Emirati Society look bad. 😂 pic.twitter.com/yE0czAjggX

— 🦘⃢🦧⃢🐫⃢🐆⃢🐊⃢🦕⃢🐘 (@CzarCule) July 9, 2023

तर एकैछिनमा चारवटा गाडी मन पराएर किन्छन् । रोल्स रोयस, मर्सिडीज पनि यी गाडीमा परेका छन् । गाडी किन्दा उनले पसल सहायक तर्फ पैसा फाल्छन् र उनलाई गएर कफी पिउन भन्छन् ।

समाचार एजेन्सी एएफपीको रिपोर्ट अनुसार उनी भन्छन्, ‘मलाई महँगो गाडी चाहिन्छ।’ यो भिडियो सार्वजनिक भएदेखि नै मानिसहरुले यो स्पूफ भिडियोको निकै आलोचना गरिरहेका छन् । उक्त व्यक्तिले युएईका जनताको अपमान गरेको मानिसहरु भनिरहेका छन् ।

यो भिडियोले यूएईका मानिसहरूको गलत र आपत्तिजनक मानसिक छविलाई बढावा दिन्छ, उनीहरूको खिल्ली उडाएको छ र यूएईका मानिसहरूले पैसाको सम्मान गर्दैनन् भनेर देखाएको छ।

सार्वजनिक अभियोजन कार्यालयले कार शोरुमका मालिकलाई पनि सोधपुछका लागि बोलाएको थियो । शोरुम मालिकले कानुनी समस्याबाट बच्न भिडियोको आलोचना गरे र युएईको सामाजिक मूल्यमान्यताको महत्त्वलाई जोड दिए।

युएइमा अफवाह र गलत समाचार फैलाउने सम्बन्धमा कडा कानुन छ। सामाजिक सञ्जालमा प्रसारित भिडियोहरू नजिकबाट निगरानी गरिन्छ। गत महिना यस्तै एउटा मुद्दामा एक महिलालाई ६ महिनाको जेल सजाय र ६० हजार दिर्हाम जरिवाना पनि तिर्नुपरेको थियो ।

वास्तवमा, महिलाले सोशल मिडियामा एक भिडियो पोस्ट गरिन् जसमा उनी युएईको एक पुस्तक मेलामा यौन अपराधको लागि अमेरिकामा दोषी ठहरिएका कुवेती लेखकसँग कुराकानी गरिरहेको देखिएकी थिइन्। भिडियो सार्वजनिक भएपछि उक्त महिलालाई अपमान र गोपनीयता हनन गरेको आरोपमा सजाय सुनाइएको थियो । महिलाको ट्वीटर पनि सदाका लागि बन्द भएको थियो ।