काठमाडौं। धेरै मानिसहरु चियाको शौकीन हुने गर्दछन्। मानिसहरू आफ्नो घरमा दिनको दुई पटक अर्थात बिहान र बेलुका चिया पिउन मन पराउँछन्। तर चिया बनाएपछि चियापत्ता यसै फाल्ने गर्दछौं। आज हामी चिया बनाएपछि बाँकी रहेको पातको कसरी प्रयोग गर्ने भन्ने बारेमा बताउँनेछौं।

प्रयोग गरिएको चियापत्ती कसरी पुनः प्रयोग गर्ने?

गन्ध हटाउन: वर्षायाममा घरमा प्रायः दुर्गन्ध आउने गर्छ र यससँगै भान्साको सिङ्क नजिक झिंगा भुसुनाहरु पनि आउने गर्दछन्। प्रयोग गरिएको चियापत्ती यो समस्या समाधान गर्नका लागि काममा आउने गर्दछ।

यसका लागि कपडाको ४ देखि ५ वटा साना टुक्राहरू लिनुहोस् र यसमा १-१चम्चा चियापत्ती भर्नुहोस्, सबै कपडाहरूमा ३ देखि ४ थोपा लेमन एसेन्शियल आयल वा आफ्नो मनपर्ने कुनै पनि तेल हाल्नुहोस्। अब यी साना बन्डलहरूलाई विभिन्न ठाउँमा राख्नुहोस्। यसो गर्नाले तपाईको घर सुगन्धले सुगन्धित हुनेछ ।

बोर्ड सफा गर्नः बाँकी रहेको चियापत्तीले आफ्नो घरको चपिङ बोर्ड सफा गर्न सक्नुहुन्छ। यसका लागि चियाको पातलाई चपिङ बोर्डमा राख्नुहोस्, अब यसमा १ चम्चा डिश वाश र १ कागतीको रस मिसाउनुहोस्। यसलाई रगडेर आफ्नो चपिङ बोर्ड सफा गर्नुहोस्। चिया पातले स्क्रबको रूपमा काम गर्नेछ र तपाईंको काट्ने बोर्ड चम्किलो हुनेछ।

बिरुवाको मलको रुपमा प्रयोगः उमालेको चियापत्ती बिरुवाको खादका रूपमा पनि प्रयोग गर्न सकिन्छ । बिरुवालाई पानीका साथसाथै समय समयमा मलको पनि आवश्यक हुन्छ । बाँकी रहेको चियापत्ती गमलामा हाल्नुस् । यसले गर्दा बिरुवा स्वस्थ रहन्छन् र छिट्टै बढ्छन् ।