काठमाडौं। डायबिटीज एउटा यस्तो अवस्था हो जसमा आहारको प्रमुख भूमिका हुन्छ । यदि तपाईंको आहार सही छैन भने रगतमा चिनीको मात्रा असामान्य रहनेछ।

रगतमा चिनीको सन्तुलन र व्यवस्थापन दुवै आहारमा निर्भर गर्दछ। यस्तो अवस्थामा यहाँ यस्तो हर्बल चिया बनाउने विधि बताउनेछौं, जसको प्रयोगले मधुमेहमा रगतमा चिनीको मात्रा सामान्य राख्न सकिन्छ । यो हर्बल चिया घरमा बनाउन र पिउन पनि धेरै नै सजिलो छ।

डायबिटीजका लागि हर्बल चियाः

दालचीनी चिया– मधुमेहमा दालचीनी चिया पिउन सकिन्छ। दालचीनी इन्सुलिन संवेदनशीलता सुधार गर्नको लागि प्रभावकारी हुने गर्दछ । यसले कोलेस्ट्रोल कम गर्न पनि मद्दत गर्दछ। तातो पानीमा दालचीनी मिसाएर उमालेर दालचीनी चिया बनाउन सकिन्छ।

हिबिस्कस चिया– हिबिस्कस चिया घण्टी फुलको चिया पनि डायबिटीजका बिरामीका लागि निकै नै उपयोगी हुने गर्दछ। यो हिबिस्कसका फूलहरू उमालेर तयार गरिन्छ। हिबिस्कस चिया पिएपछि शरीरमा एन्टिअक्सिडेन्ट हुन्छ । यो चिया पिउनाले ब्लड सुगरसँगै ब्लड प्रेसरको समस्या पनि कम हुन्छ ।

एलोवेरा चिया– एलोभेरा स्वास्थ्यका लागि धेरै तरिकाले फाइदाजनक साबित हुन्छ। एलोभेरा चिया बनाउनको लागि ताजा एलोभेराको पल्पलाई पानीमा उमालेर बिहान खाली पेटमा पिउने गरिन्छ ।

अदुवाको चिया– अदुवाको चिया सुनेपछि मनमा दूधसँग अदुवाको चिया खाने विचार आउँछ । तर, यहाँ हामी अदुवाको चिया दूध बिनाको हर्बल चियाको बारेमा कुरा गर्दैछौं।

अदुवालाई काटेर पानीमा उमालेर त्यसमा कागतीको रस हालेर चिया बनाइन्छ। यो चिया पिउनाले मधुमेहमा फाइदाजनक हुन्छ र इन्सुलिन संवेदनशीलता बढाउँछ। यसका साथै यो चिया मेटाबोलिजमलाई स्वस्थ राख्न पनि सहयोगी हुन्छ ।