काठमाडौं । यौन हिंसा र बलात्कार मुद्दामा फरार स्वघोषित गुरु नित्यानन्दले जनवरी २२ मा अयोध्यामा हुन लागेको राममन्दिर प्राण प्रतिष्ठा कार्यक्रममा निम्तो पाएको दाबी गरेका छन् ।

“आधिकारिक रूपमा आमन्त्रित गरिएको छ र नित्यानन्द कार्यक्रममा उपस्थित हुनेछन्,” उनको सोशल मिडिया ह्यान्डलमा दावी गरेको छ।

यस पोस्टसँग अर्को एक पोस्टर पनि सेयर गरिएको छ, जसमा अयोध्या राम मन्दिर प्राण प्रतिष्ठा उत्सव दुई दिनसम्म मनाउन आह्वान गरिएको छ।

2 More Days Until the Inauguration of Ayodhya Ram Mandir!

Don’t miss this historic and extraordinary event! Lord Rama will be formally invoked in the temple’s main deity during the traditional Prana Pratishtha and will be landing to grace the entire world!

Having been formally… pic.twitter.com/m4ZhdcgLcm

— KAILASA’s SPH NITHYANANDA (@SriNithyananda) January 20, 2024

नित्यानन्द २०१९ मा भारतबाट फरार भए र सोही वर्ष युनाइटेड स्टेट अफ कैलाश (युएसके) नामक काल्पनिक देश स्थापना गरेको दाबी गरे।

उनको एक महिला भक्तले नित्यानन्दले सन् २०१० मा आफूलाई बलात्कार गरेको आरोप लगाएकी थिइन् ।

यसपछि नित्यानन्द केही समयका लागि पक्राउ परे । पछि उनी धरौटीमा रिहा भए । उनीविरुद्ध सन् २०१८ मा आरोपपत्र दायर गरिएको थियो ।