काठमाडौं। अहिले बिस्तारै मौसम बदली हुन थालेको छ । यस्तो अवस्थामा हामीले हाम्रो स्वास्थ्यको विशेष सावधानी अपनाउन जरुरी हुन्छ। बदलिँदो मौसमले विशेषगरी श्वासप्रश्वासका बिरामीको समस्या बढाउँछ।

यस्तो मौसममा श्वासप्रश्वासको समस्याबाट ग्रसित मानिसहरूलाई समस्या हुन थाल्छ। यो मौसममा एलर्जीको जोखिम बढ्छ। बढ्दो चिसोले मानिसलाई बढी समस्यामा पारेको बताइन्छ। यस समयमा श्वासप्रश्वासका बिरामीले विशेष ख्याल गर्नुपर्छ।

चाहे त्यो दम, निमोनिया वा क्षयरोगका बिरामी होस् वा धुम्रपान र प्रदूषणका कारण श्वासप्रश्वाससम्बन्धी रोग लागेका व्यक्तिहरू। यो मौसममा खानपानमा विशेष ध्यान दिनुपर्छ । खाना खाँदा केही कुराबाट टाढा रहनुपर्छ। अन्यथा समस्या अझै बढ्न सक्छ। बदलिँदो मौसममा दम वा श्वासप्रश्वासका रोगीले के के कुराहरूको ख्याल गर्नुपर्छ जानौं। खानपानमा परिवर्तन गरी केही कुरालाई बेवास्ता गरेर श्वासप्रश्वासको समस्याबाट राहत पाउन सक्नुहुन्छ। जान्नुहोस् श्वासप्रश्वासका बिरामीले खान नहुने कुराहरु:

बदामः दमका बिरामीले बदलिँदो मौसममा बदाम खानु हुँदैन । तपाईलाई यसबाट एलर्जी हुन सक्छ। दम पनि एलर्जीको कारणले हुन्छ। यस्तो अवस्थामा बदाम खानु हुँदैन । बदामको एलर्जी छैन भने पनि कम खानुहोस्।

दूधः दूध सबैका लागि फाइदाजनक नै हुन्छ भन्ने हुँदैन । बदलिँदो मौसममा दमका बिरामीका लागि दूध हानिकारक हुनसक्छ। दूध पिएपछि श्वासप्रश्वासका बिरामीलाई खोकी लाग्ने, घाँटी दुख्ने र सास फेर्न गाह्रो हुने गर्छ। त्यसैले दूध नखानु नै राम्रो हो ।

नुनः नुनको खपत सीमित हुनुपर्छ भनिन्छ। धेरै नुनको सेवनले उच्च रक्तचाप लगायतका धेरै रोगको जोखिम बढाउँछ। धेरै नुन खाँदा घाँटी सुन्निने सम्भावना हुन्छ । जसका कारण श्वासप्रश्वास र दमका बिरामीको समस्या बढ्न सक्छ ।

मदिराः दमका रोगीहरूले रक्सी र चुरोट जस्ता चीजहरूबाट बिल्कुलै टाढा रहनुपर्छ। रक्सीमा सल्फाइट हुन्छ, जसले श्वासप्रश्वासको समस्या निम्त्याउन सक्छ। दमका रोगीहरूले रक्सी र बियर पिउनबाट बच्नुपर्छ। चुरोटले धेरै समस्या बढाउन सक्छ।

अण्डाः दमका बिरामीले पनि अण्डा खानु हुँदैन । अण्डामा यस्तो पोषक तत्व हुन्छ जसले समस्यालाई निकै बढाउन सक्छ । कहिलेकाहीं फोक्सोमा समस्या हुन सक्छ। त्यसैले श्वासप्रश्वासका बिरामीले अण्डा खानु हुँदैन ।

भटमास: भटमास शरीरका लागि फाइदाजनक भएतापनि यसले कहिलेकाहीँ एलर्जीको समस्या निम्त्याउन सक्छ। श्वासप्रश्वास र दमका रोगीहरूले एलर्जीबाट बच्न भटमास खानु हुँदैन।

माछा:नन-वेज दमका बिरामीहरूलाई माछा नखान सल्लाह दिइन्छ। यसले समस्या बढाउन सक्छ।

सुपारी: सुपारीको सेवन फोक्सोका बिरामीका लागि हानिकारक साबित हुन्छ। दमका बिरामीले पनि सुपारी खानु हुँदैन । सुपारी खाँदा श्वासप्रश्वासको समस्या बढ्न सक्छ ।