काठमाडौं । काठमाडौंलाई पूर्वी नेपालसँग जोड्ने छोटो बीपी राजमार्ग २ सातापछि खुलेको छ । बाढीपहिरो र डुबानले तहसनहस बनाएको राजमार्ग भौतिक पूर्वाधार मन्त्रालय, सडक विभाग र स्थानीय तहहरूको निरन्तरको प्रयासबाट आज बिहानदेखि गाडी सुचारू भएको हो ।

रोशी क्षेत्रको मंगलाटार बोक्सीकुनामा डाइभर्सन बनाइएको छ । बाढीपहिरोले भत्केबिग्रिएको अन्य ठाउँमा पनि कल्भर्ट बनाएर, ठाउँठाउँमा खोला डाइभर्सन गरेर तत्काललाई सवारीसाधन निर्वाध चल्ने गरी मर्मत गरिएको छ।

दशैंको टीकाको अघिल्लो दिन सडक खुलेपछि आउजाउ गर्नेहरुलाई सहज भएको छ।