काठमाडौं। नेपाल भ्रमणमा रहेका भारतीय स्थल सेनाध्यक्ष उपेन्द्र द्विवेदीले आज प्रधानमन्त्री केपी शर्मा ओली र रक्षामन्त्री मानवीर राईसँग भेटवार्ता गर्ने कार्यक्रम रहेको छ ।

बुधबार दिउँसो काठमाडौं आइपुगेका द्विवेदीले आज अपरान्ह साढे चार बजे प्रधानमन्त्री कार्यालय सिंहदरबारमा भेटवार्ता गर्ने कार्यक्रम छ। त्यसअघि उनले रक्षामन्त्री मानवीर राईसँग भेट गनर्नेछन्।

द्विवेदीलाई बिहीबार राष्ट्रपति रामचन्द्र पौडेलले मानार्थ महारथीको दर्ज्यानी चिन्ह तथा खड्ग प्रदान गरेका थिए। नेपाली सेनाका परमाधिपति समेत रहेका राष्ट्रपति पौडेलले राष्ट्रपति भवन शीतल निवासमा आयोजित विशेष समारोहबीच उनलाई दर्ज्यानी चिन्ह प्रदान गरेका थिए।

त्यसपछि उनले बिहीबार नै प्रधानसेनापति अशोकराज सिग्देलसँग भेट गरेका थिए। उनलाई सैनिक मुख्यालय जंगी अड्डामा सम्मान गारत अर्पण गरिएको थियो।