काठमाडौं । सन् २०१३ मा संजय लीला भन्सालीको टिभी श्रृंखला सरस्वतीचन्द्रबाट आफ्नो अभिनय करियर सुरु गरेकी शाइनी दोशीको बाल्यकाल पीडादायी थियो । शाइनीका अनुसार जब उनी धेरै सानी थिइन्, उनका बुबाले उनकी आमा र भाइलाई छोडेर गएका थिए, जसका कारण उनले परिवारलाई सहयोग गर्न चाँडै काम गर्नुपरेको थियो।

तर उनलाई आर्थिक बोझले मात्र सताएको थिएन। बरु, भावनात्मक आघातले उनलाई अझ बढी चोट पुर्‍यायो। शाइनीले सिद्धार्थ कन्ननसँगको कुराकानीमा यो कुरा खुलासा गरेकी हुन् । आफ्नो पीडा व्यक्त गर्दा गर्दै, शाइनी भावुक भइन् र रुन थालिन्।

उनले आफू जवान छँदा गहिरो दुःखी भएको एउटा क्षण सम्झिन् । उनले भनिन्- ‘मेरो बुबाले मलाई वेश्या भन्नुहुन्थ्यो।’ अहमदाबादमा मेरो सुटिङ कहिलेकाहीं बिहान २ वा ३ बजेसम्म चल्थ्यो। मेरी आमा सधैं मेरो साथमा हुनुहुन्थ्यो। म केवल १६ वर्षकी थिएँ। तर जब हामी घर फर्किन्थ्यौं हामी सुरक्षित छौं कि छैनौं भनेर सोध्नुको सट्टा बुवाले आरोप लगाउनुहुन्थ्यो ।

उहाँ भन्नुहुन्थ्यो, ‘के तिमी आफ्नी छोरीलाई बिहान ३ बजे बाहिर लैजाँदै छौ ? के तिमी उसलाई वेश्या बनाउँदैछौ ?’ जब उनलाई सोधियो कि के उनी आफ्नो बुबालाई माफ गर्न सक्छिन् ? शाइनीले भनिन् – ‘यी जीवनका गाँठोहरू हुन् जुन खोल्न सकिँदैन। मैले यी कुराहरूलाई जीवनको पाठको रूपमा लिएको छु। तर अहिले पनि कहिलेकाहीँ मलाई धेरै कमजोर महसुस हुन्छ। मलाई कहिल्यै पनि सहयोग गर्ने वा ‘म तिम्रो लागि यहाँ छु’ भन्न सक्ने बुबा भएनन्।’

शाइनीको बुबाको २०१९ मा अमरनाथ यात्राको क्रममा मृत्यु भयो। त्यतिन्जेलसम्म उनीहरू दुई वर्षसम्म बोलेका थिएनन्। यो कुराले उनलाई निरन्तर सताइरहन्छ। “त्यहाँ एउटा अपराध भावना छ जुन रहिरहन्छ,” उनले भनिन्।