काठमाडौं । ९० को दशकका सुपरस्टार गोविन्दा आजभोलि ठूलो पर्दामा कमै देखिन्छन् तर एक समय यस्तो थियो जब उनका चलचित्रहरू मात्रै सफल हुन्थे । अहिले चलचित्रमा धेरै सक्रिय नभए पनि गोविन्दाको व्यक्तिगत जीवन भने प्रायः समाचारमा रहन्छ ।

केही समय अगाडि गोविन्दा र उनकी श्रीमती सुनिताको सम्बन्ध विच्छेदको खबर बाहिर आएको थियो जसले धेरैलाई आश्चर्यमा पारेको थियो । श्रीमती सुनिता आहुजासँगको उनको जोडीलाई धेरै मन पराइएको छ। गोविन्दा र सुनिता छुट्टाछुट्टै घरमा बस्दै आएको कुरा बाहिरिएपछि समाचार बजार झनै तात्यो। तर पछि सम्बन्ध विच्छेदका सबै खबरहरू अस्वीकार गरियो।

हालै सुनिताले गोविन्दासँगको आफ्नो सम्बन्धको बारेमा कुरा गरेकी छिन्। उनले भनिन् – विगत केही समयदेखि उनको र गोविन्दाको सम्बन्धमा धेरै परिवर्तन आएको छ, जसका कारण कसैले उनलाई नराम्रो नजर लगाएको उनी विश्वास गर्छिन् ।

‘डेक्कन टक’ सँग कुरा गर्दै सुनिताले गोविन्दासँगको आफ्नो सम्बन्धको बारेमा भनिन्, ‘मलाई थाहा छैन कसले मलाई नराम्रो नजर लगाएको छ। म कसैलाई पनि मेरो श्रीमानलाई मबाट खोस्न दिने छैन।’

सुनिताले गोविन्दाको परिवारको बारेमा थप भनिन्, ‘जब मेरो विवाह भयो, गोविन्दा आफ्नो सम्पूर्ण परिवारसँग बस्थे तर म उनलाई माया गर्थें। आज पनि म मेरी सासुको कारणले मात्र गोविन्दाको घरमा बस्छु। उनी हाम्रो विवाह होस् भन्ने चाहन्थिन्। मलाई अझै पनि याद छ उनले गोविन्दालाई मेरो बारेमा भनेको एउटा कुरा थियो, ‘चिची, यदि तिमीले सुनितालाई छोड्यौ भने, तिमी भिखारी बन्नेछौ।’

सुनिताले यसअघि पनि गोविन्दासँगको सम्बन्ध विच्छेदको हल्लाको बारेमा कुरा गरेकी थिइन्। उनेकी थिइन् उनी अभिनेता बिना बाँच्न सक्दिनन् र गोविन्दाले पनि कुनै मूर्ख महिलाको लागि आफ्नो परिवार छोड्ने छैनन्।