बारा । बारा जिल्लाको विश्रामपुर गाउँपालिका–३ डम्पिङ्ग साइटबाट जेठ ३१ गते सशस्त्र प्रहरीले करीव ३९ लाख १२ हजार रुपैयाँ बराबरको चोरीपैठारीको सामान बरामद गरेको छ।

भारतबाट अवैध रुपले साईकलमा राखी नेपालतर्फ ल्याउँदै गरेको एयरपोड प्रो र मोवाइलको टेम्पर ग्लास सशस्त्र प्रहरी बल नेपाल नम्बर १२ गण बाराले बरामद गरेको हो। उक्त सामान ल्याउने व्यक्ति भने फरार रहेका छन्।

बरामद सामान आवश्यक कारवाहीको लागि सम्बन्धित निकायमा बुझाउने प्रक्रियामा रहेको प्रहरीले जनाएको छ।