चितवन। राष्ट्रिय स्वतन्त्र पार्टी (रास्वपा) को प्रथम ऐतिहासिक महाधिवेशनका लागि कुल तीन हजार ८४९ जना प्रतिनिधिहरू कायम भएका छन्।

पार्टीको केन्द्रीय निर्वाचन आयोगका प्रमुख भुवन केसीका अनुसार यसअघि सार्वजनिक गरिएको प्रतिनिधिको प्रारम्भिक नामावलीमाथि परेका उजुरी र दाबी विरोधको विस्तृत छानबिन तथा अध्ययन गरेपछि मात्रै प्रतिनिधिको यो अन्तिम सङ्ख्या निर्धारण गरिएको हो।

निर्वाचन आयोगले नामावलीलाई अन्तिम रूप दिएसँगै अब महाधिवेशनको बन्दसत्र तथा नयाँ नेतृत्व चयनको प्रक्रिया अगाडि बढाउन बाटो खुलेको छ।