काठमाडौं । नेपाली कांग्रेसका सभापति गगनकुमार थापाले ‘नेपाली कांग्रेस विधान मस्यौदा समिति’मा सदस्य र सदस्य–सचिव मनोनयन गरेका छन्।

महामन्त्री प्रदीप पौडेलको संयोजकत्वमा गठित सो समितिमा सभापति थापाले पार्टीका चार जना केन्द्रीय सदस्यलाई सदस्य र एक जनालाई सदस्य-सचिवका रूपमा मनोनयन गरेका हुन्।

पार्टीका कार्यवाहक मुख्यसचिव कृष्णप्रसाद दुलालका अनुसार केन्द्रीय सदस्यहरू जीवन परियार, राजीव ढुंगाना, कुसुमदेवी थापामगर र अञ्जु झालाई समिति सदस्यमा मनोनयन गरिएको छ।

यस्तै, समितिको सदस्य-सचिवको जिम्मेवारी प्रताप पौडेललाई दिइएको छ। पार्टीको विधानलाई समयसापेक्ष परिमार्जन तथा संशोधन गर्नका लागि आवश्यक मस्यौदा तयार पार्न सो समिति गठन गरिएको हो।