काठमाडौं । सुनसरीको देवानगञ्ज गाउँपालिकामा अज्ञात समूहले गोली चलाउँदा एक जना घाइते भएका छन्। देवानगञ्ज गाउँपालिका-१, मध्यहर्षाही क्षेत्रमा शनिबार साँझ उक्त घटना भएको हो।

गोली प्रहारबाट स्थानीय निरज यादव घाइते भएका छन्। उनको तिघ्रामा गोली लागेको र हाल विराटनगरस्थित नोबेल शिक्षण अस्पतालमा उपचार भइरहेको प्रहरीले जनाएको छ।

घटनामा संलग्न व्यक्तिहरूको खोजीका साथै घटनाबारे थप अनुसन्धान सुरु गरिएको प्रहरीको भनाइ छ।