सुनसरी। इटहरी उपमहानगरपालिका-४ शान्तिचोकस्थित ‘द इस्टन होटल’मा जुवातास खेलिरहेको अवस्थामा आठ जना पक्राउ परेका छन्।

जिल्ला प्रहरी कार्यालय सुनसरीको टोलीले उनीहरूलाई आइतबार साँझ नगद रु ४ लाख ५६ हजार र सात बुङ तासबोसहित नियन्त्रणमा लिएको हो।

विशेष सूचनाका आधारमा खटिएको प्रहरी टोलीले स्थानीय मोहन घिमिरे, मनोज राई, ईश्वर कार्की, टिकाराम गेलाल, जीवन अधिकारी, युवराज मगर, दुर्गाप्रसाद थापा र खगेन्द्र लिम्बूलाई पक्राउ गरेको हो।

जिल्ला प्रहरी कार्यालय सुनसरीका सूचना अधिकारी चन्द्रबहादुर खड्काका अनुसार पक्राउ परेका आठै जनामाथि आवश्यक अनुसन्धान भइरहेको छ।