काठमाडौं । संयुक्त राष्ट्रसङ्घमा संयुक्त राज्य अमेरिकाका राजदूत माइक वाल्ट्ज र क्युबाका विदेश मन्त्री ब्रुनो रोड्रिगेज पारिलाबीच चर्को बहस भएको छ।

संयुक्त राष्ट्रसङ्घका लागि अमेरिकी राजदूत माइकल वाल्ट्जले आरोप लगाउँदै भने, ‘कास्त्रो सरकारले हजारौँ समलैंगिक व्यक्तिहरू, इसाईहरू, अफ्रिकी मूलका क्युबाली नागरिकहरू तथा अन्य मानिसहरूलाई यातना शिविरहरूमा पठाएको थियो।’

‘त्यो यस्तो सरकार थियो, जसले उनीहरूको सम्पत्ति खोस्यो र उनीहरूबाट जबरजस्ती श्रम गराएर मुनाफा कमायो।’

‘त्यसबेलादेखि नै हवाना (क्युबा) ले विश्वलाई क्युबामा ती सबै अत्याचार समाप्त भइसकेको विश्वास दिलाउने प्रयास गर्दै आएको छ। तर, ती सबै अन्याय कहाँ पुगेका छन् भन्ने हामी राम्रोसँग जानतेौँ र आज हामी यही कुरा विश्वसामु उजागर गर्न यहाँ आएका हौँ।’

मञ्चबाट सम्बोधन गरिरहेका अमेरिकी राजदूतको यसै भनाइको बीचमा क्युबाली प्रतिनिधिमण्डलले उठेर यसमा कडा आपत्ति जनायो र उक्त अभिव्यक्ति फिर्ता लिनुपर्ने माग गर्‍यो।

केही समयसम्म यो हंगामा जारी रह्यो र अमेरिकी राजदूतले आफ्नो भाषण रोक्नुपरेको थियो।

यसपछि उनले भने, ‘मलाई आशा छ कि अध्यक्ष महोदय, यस समयमा सबैले प्रतिनिधिमण्डलको कुरा सुन्दै हुनुहुन्छ। कल्पना गर्नुहोस् कि जब यस्ता प्रश्नहरू राजदूतहरू र क्यामेराहरूले भरिएको कोठामा नभई सिधै हवानामा सोधिन्छन्, तब के होला? हामीले यहाँ त यस्तो धम्की र अवरोधको सामना गर्नुपर्छ भने, त्यहाँका आम मानिसहरूको हालत के होला, एक पटक सोचौँ।’