काडमाडौं। केही दिनअघि ग्रामी अवार्डमा पति निक जोनससँग पुगेकी प्रियंका चोपडाले अत्याधिक खुल्ला कपडा लगाएको भन्दै सामाजिक संजालका चर्को आलोचना भयो । धेरैले उनका ट्रोल बनाए । अब प्रियंकाकी आमा मधु चोपडाले यो विषयमा प्रियंकाको बचाउ गर्दै आफ्नी छोरी एक सुन्दर शरीरकी धनी भएको बताएकी छिन् ।

डिएनएको एक रिपोर्टका अनुसार आमा मधुले भनिन् ‘ट्रोल गर्नेहरु अन्जान मानिसहरु हुन् जो आफ्ना कम्प्युटर र अन्य चीजहरुपछाडि लुकिरहेका छन् ।’ हालै चर्चित फेशन डिजाइनर वेल्डेल रोड्रिक्सले प्रियंकाको यो ड्रेसको बारेमा विशेष कमेन्ट गरेका थिए । प्रियंकाकी आमासँग यो कमेन्टबारे सोध्दा उनले आफूलाई यी सब कुराबाट खुसी लागेको बताइन् ।

रोड्रिक्सले प्रियंकाको ड्रसबारे भनेका थिए ‘प्रियंकाले ग्रामी २०२० मा समा बाँधिन् । साँच्चै यो (ड्रेस) निकै बोल्ड र सुन्दर र रल्फ । यसमा नेकलाइन लस एन्जल्सबाट सुरु भएर क्युबासम्म पुग्छ । निकै मन पर्यो ।’ यो ड्रेस रल्फ एण्ड रुसोले डिजाइन गरेका थिए । ट्रोलले आफ्नी छोरीलाई थप मजबुत बनाएको बताउँदै मधुले भनिन् ‘प्रियंकाले यो ड्रेस लगाउनुभन्दा पहिले यसको नमूना मलाई देखाएकी थिइन् । मलाई लाग्यो यो लगाउनु केही जोखिमपूर्ण छ तर यो केही सबैभन्दा शानदार ड्रेसहरुमध्ये एक हो ।’