हेटौंडा। लकडाउनको समयमा दूध ढुवानीको नाममा अवैध घरेलु मदिरा ओसारपसार गर्ने अटोलाई मकवानपुर प्रहरीले नियन्त्रणमा लिएको छ।

हेटौडा उपमहानगरपालिका–२ चौकी टोलबाट हेटौडा बजारतर्फ आइरहेको ना १ ह ५३८९ नम्बरको अटोसहित चालकलाई नियन्त्रणमा लिएको प्रहरीले जनाएको छ।

अटोको अगाडि दूध ढुवानी सेवा लेखेर आउँदै गरेको उक्त अटोमा दुधका २ वटा खाली जर्किन र ६ वटा जर्किनमा १ सय ४० लिटर अवैध घरेलु मदिरा भेटिएको प्रहरीले जनाएको छ।