फ्रान्समा पछिल्लो समय फ्रान्सुमा भएको आतंकवादी आक्रमणको जवाफमा फ्रान्सले अफ्रिकी देश मालीमा आतंकवादी संगठन अल कायदाको आश्रयस्थलमा आक्रमण गरेको बताएको छ । फ्रान्सका रक्षा मन्त्रीका अनुसार फ्रान्सको सेनाले मालीमा हवाइ आक्रमण गरेर ५० भन्दा बढी अल कायदाका आतंकवादीलाई मारेको छ । समाचार एजेन्सी एसोसिएट फ्रान्स प्रेसका अनुसार फ्रान्सको सेनाले ४ आतंकवादीलाई जीवितै पक्राउ गरेको समेत बताएको छ ।

पछिल्लो समय फ्रान्समा पैगम्बर मोहम्मदको कार्टुन बनाइएपछि फ्रान्स र मुस्लिमबीच विवाद चलिरहेको छ । यो विवादको क्रममा फ्रान्सका विभिन्न शहरमा आतंकवादी आक्रमणमा फ्रेन्च नागरिक मारिएका थिए । यससँगै फ्रान्सका राष्ट्रपति इम्मानुएन म्याक्रोनले आफूले हिंसाको समर्थन नगर्ने र समर्थन गर्नेलाई नछोड्ने बताएका थिए । फ्रेन्च रक्षामन्त्री फ्लोरेन्स पार्लीका अनुसार ३० अक्टोबरमा फ्रेन्च सेनाले मालीमा एयरस्ट्राइक गरेको थियो जसमा ५० भन्दा धेरै आतंकवादी मारिएका छन् र ठूलो संख्यामा उनीहरुका हतियार क्ष्तिग्रस्त भएका छन् ।

४ जना आतंकवादीहरुलाई जीवितै समातिएको छ । यो एयरस्ट्राइकको जानकारी फ्रान्सले सोमबार मात्र सार्वजनिक गरेकनो हो । जानकारीका अनुसार यी स्थानमा विष्फोटक, आत्मघाती ज्याकेट लगायतका सामान भेटिएका छन् । फ्रान्सको सेनाले मालीमा बुर्किनाफसो र नाइजरको सीमा क्षेत्रमा यो एयरस्ट्राइक गरेको बताएको छ । फ्रान्स सरकारका अनुसार मारिनेहरु अल कायदासँग सम्बन्धित थिए ।