काठमाडौं। गत हप्ता संसारकै दोस्रो अग्लो हिमाल माउण्ट केटु आरोहण गर्ने नेपालीलाई पाकिस्तानमा भव्य स्वागत भएको छ। १० जना नेपालले गत शनिबार ८ हजार ६ सय १० मिटर अग्लो हिमाल आरोहण गरेका थिए। हिउँदे सिजनमा यो हिमालको सफलतापूर्वक पहिलो पटक आरोहण गर्ने नेपाली हुन्।

यसरी नेपालीले केटु हिमालमा विश्वकीर्तिमान बनाएपछि पाकिस्तानमा उनीहरुको भव्य स्वागत भएको हो। आरोहण गर्ने मध्येका एकजना निर्मल पुर्जाले शनिबार ट्वटीरमा एक भिडियो शेयर गर्र्दै पाकिस्तानमा भवय स्वागत भएको जानकारी दिएका छन्।

उनले पाकिस्तानमा आफूहरुको स्वागत आफ्नै घरमा जस्तै भएको उल्लेख गरेका छन्। उनका अनुसार आरोहण दलका सदस्यहरुसँग पाकिस्तानी राष्ट्रपति डा. आरिफ अलभी, पाकिस्तानी सेनाका प्रमुख जनरल कमर जावेद बाजवा, पाकिस्तानी पर्यटनमन्त्री जुल्फिकर बुखारी र गिलगिट बाल्टिस्तानका मन्त्री नासिर अलि खानले भेट गरेको बताएका छन्।

Me and my entire team are beyond happy and humbled to have received such a pleasant warm welcome on arrival at Skardu and Islamabad. We are overjoyed with emotions and our hearts are full of gratitude. Many thank you to all our Pakistani family for making us feel at home. 1/4 pic.twitter.com/sU1dR7cqfx

— Nirmal Purja MBE (@nimsdai) January 23, 2021