काठमाडौं। गएको अक्टोबरमा फ्रान्सका इतिहास विषयका शिक्षक सामुएल पेटीले विद्यार्थीलाई पढाउने क्रममा पैगम्बर मोहम्मदको कार्टुन देखाएपछि उनलाई एक कट्टरपन्थीले मारेका थिए । अब फेरि अर्का शिक्षक यस्तै डरले त्रसित छन् । यी शिक्षकले पनि विद्यालयमा पैगम्बर मोहम्मदको कार्टुन देखाएका थिए । २९ वर्षका यी बेलायती शिक्षकले कार्टुन देखाएपछि उनको विद्यालयअगाडि ठूलो संख्यामा प्रदर्शन भइरहेको छ ।

बेलायतको पश्चिम योर्कसायरको बेटली ग्रामर स्कुलमा पढाउने यी शिक्षककी आमा पनि निकै तनाबमा छिन् । यो प्रदर्शनपछि पूरै परिवारलाई निशाना बनाइन सक्ने डरले उनी लुकिसकेकी छिन् । यी शिक्षकका पिताका अनुसार उनका छोरा पनि निकै चिन्तित छन् र आफूलाई मारिन सक्छ भन्दै रुने गर्छन् । डेलीमेलसँग कुरा गर्दै उनले आफ्ना छोरा र स्कुलले यस विषयमा माफी मागिसकेकोले अब यो विवाद रोकिनुपर्ने बताए । रिपोर्टका अनेसार ईशनिन्दाका विषयमा पढाउँदा यी शिक्षकले फ्रान्सको लोकप्रिय पत्रिका चार्ली हेब्दोको कार्टुन देखाएका थिए । त्यसपछि कैयौं प्रदर्शनकारीले स्कुलबाहिर प्रदर्शन गरिरहेका छन् ।