काठमाडौं। चालु आर्थिक वर्ष सकिन अब डेढ महिना बाँकी रहँदा सरकारका अर्थमन्त्री विष्णुप्रसाद पौडेलले चालु आर्थिक वर्षमा आर्थिक वृद्धिदरको लक्ष्य हासिल गर्न चुनौतिपूर्ण रहेको बताएका छन्।

आर्थिक सर्वेक्षण २०७७÷७८ सार्वजनिक कार्यक्रममा बोल्दै अर्थमन्त्री पौडेलले कोभिड १९ ले अर्थतन्त्रमा प्रतिकुल असर पारेको भन्दै ४ दशमलव १ प्रतिशतको लक्ष्य भेट्न मुस्किल रहेको बताएका हुन्।

यसअघि नेपालको २०७६÷७७ मा आर्थिक वृद्धिदर २ दशमलव १२ प्रतिशत ले ऋणात्मक थियो।

अर्थतन्त्र बृद्धिदरले निषेधाज्ञा अघिसम्म गति लिए पनि निषेधाज्ञापछि स्थिति चुनौतीपूर्ण रहेको उनको भनाइ थियो।

सरकारले चालु आर्थिक वर्षको आर्थिक वृद्धि लक्ष्य ७ प्रतिशत राखेको थियो। केन्द्रीय तथ्याङ्क विभागले भने ४ दशमलव १ प्रतिशत हुने संशोधित अनुमान गरेको थियो।

यस्तै अर्थसचिव शिशिरकुमार ढुंगानाले सबै आर्थिक सूचकहरु भने सकारात्मक रहेको बताएका छन।