कठमाडौं। सरकारले ल्याउने वजेट अध्यादेश पारितका लागि आज मन्त्रिपरिषद्को बैठक बस्दैछ।

अहिले ११ बजे मन्त्रिपरिषद्को बैठक बस्ने तय भएको हाे। वजेट अध्यायादेश राष्ट्रपति विद्यादेवी भणडारीले जारी गरे पछि आजै ४ बजे अर्थमन्त्रीले वजेट सार्वजनिक गर्नु हुने कार्यक्रम रहेको छ।

अर्थमन्त्री विष्णु पौडेलले  शुक्रबार आर्थिक सर्वेक्षण प्रस्तुत गरेका थिए। सर्वेक्षणमा चालू आर्थिक वर्ष २०७७/०७८ मा मुलुकको आर्थिक वृद्धि ४ प्रतिशतभन्दा कम हुने देखिएको छ । पछिल्लो समय बढ्दो क्रममा रहेको कोरोना संक्रमणले गर्दा अर्थतन्त्र प्रभावित भएकाले आर्थिक वृद्धिदर ४ प्रतिशत पनि नपुग्ने बताएका छन्।

सरकारले बजेट मार्फत चालू आर्थिक वर्षमा ७ प्रतिशत आर्थिक वृद्धि हासिल गर्ने लक्ष्य राखेको थियो। तर कोरोनाको प्रभाव बढ्दै गएपछि केन्द्रीय तथ्यांक विभागले ४.०१ प्रतिशत हुने संशोधित अनुमान गरेको थियो।