विश्व स्वास्थ्य संगठनले भन्यो ‘कोरोनाको नेपाली भेरिएन्ट भेटिएको छैन
![विश्व स्वास्थ्य संगठनले भन्यो ‘कोरोनाको नेपाली भेरिएन्ट भेटिएको छैन](https://www.dcnepal.com/wp-content/uploads/2020/09/Tedros.jpg)
बेलायती अखबारमा कोरोनाको नेपाली भेरिएन्ट युरोपमा फैलिएको भन्ने समाचार प्रकाशित भएपछि विश्व स्वास्थ्य संगठनले कोरोनाको नेपालमा म्युटेट भएको भेरिएन्ट नभेटिएको प्रस्ट पारेको छ । विश्व स्वास्थ्य संगठनले आफूलाई नेपालमा फैलिएका ३ भेरिएन्टबारे मात्रै जानकारी भएको भन्दै यीबाहेक अन्य कुनै भेरिएन्टबारे जानकारी नभएको बताएको छ ।
WHO is not aware of any new variant of SARS-CoV-2 being detected in Nepal. The 3⃣confirmed variants in circulation are: Alpha (B.1.1.7), Delta (B.1.617.2) and Kappa (B.1.617.1). The predominant variant currently in circulation in Nepal is Delta (B.1.617.2).@mohpnep @PandavRajesh
— WHO Nepal (@WHONepal) June 3, 2021
विश्व स्वास्थ्य संगठनले नेपालमा कोरोनाभाइरसको अल्फा (बी.१.१.७), डेल्टा (बी.१.६१७.२) र काप्पा (बी.१.६१७.१) मात्र भेटिएको प्रस्ट पारेको छ । बेलायती अखबार डेलीमेलले बुधबार नेपाली भेरिएन्टका कारण बेलायती अधिकारी चिन्तामा परेको दावी गर्दै समाचार लेखेपछि विश्व स्वास्थ्य संगठनले सफाइ दिएको हो । लकडाउनलाई विस्तारै खुकुलो बनाउँदै जाने बेलायती सरकारको नीतिलाई नेपाली भेरिएन्टले प्रभाव पार्ने जोखिम भएको बताउँदै अखबारले समाचारको शीर्षकमै ‘हाम्रो विदामा नेपाली भेरिएन्टको जोखिम’ लेखेको थियो ।
Facebook Comment