काठमाडौं । जिल्ला प्रशासन कार्यालय काठमाडौंले भोलिदेखि मध्यम तथा लामो दूरीको सार्वजनिक यातायात संचालन गर्न दिने भएको छ ।

प्रशासनले काठमाडौं उपत्यकामा जारी निषेधाज्ञालाई थप खुकुलो बनाउँदै लामो दूरीको सार्वजनिक यातायात खुलाउने निर्णय गरेको हो ।

जिल्ला प्रशासन काठमाडौंले लोकसेवा र विश्वविद्यालयका परिक्षार्थीको आवागमनलाई मध्यनजर गर्दै शनिबारदेखि लागू हुने गरी शुक्रबार उक्त निर्णय गरेको हो ।

लामो दूरीमा यात्रा गर्नेलाई अनिवार्य टिकट काउन्टरबाट टिकट खरिद गरेर यात्रा गर्न समेत प्रशासनले भनेको छ ।