काठमाडौं । मंगलबार संयुक्त राष्ट्र संघको महासभाले संयुक्त राज्य अमेरिकाको समर्थन रहेको प्रस्ताव सर्वसम्मतिले पारित गरेको छ । यो प्रस्ताव सुरक्षा परिषदमा भिटोको बारेमा हो। संयुक्त राष्ट्रका लागि अमेरिकी राजदूत लिन्डा थोमस ग्रीनफिल्डले ट्वीट गर्दै यो जानकारी दिएकी हुन् । उनले अबदेखि सुरक्षा परिषद्को कुनै पनि प्रस्तावमाथि भिटो लागेमा राष्ट्रसंघको महासभाको बैठक स्वतः बोलाइने बताइन् ।

Some good news – the @UN General Assembly just adopted by consensus a U.S.-backed resolution on the Security Council veto.

Going forward, a meeting of the General Assembly will be automatically convened after a veto has been cast in the Security Council. pic.twitter.com/hRWLhyK2cu

— Ambassador Linda Thomas-Greenfield (@USAmbUN) April 26, 2022

संयुक्त राष्ट्र संघको महासभाका वर्तमान अध्यक्ष अब्दुल्लाह शाहिदले पनि ट्वीट गर्दै यसबारे जानकारी दिएका छन् । सुरक्षा परिषदमा भिटो भएमा महासभाको बैठक बोलाइने प्रावधान रहेको प्रस्ताव संयुक्त राष्ट्रसंघको महासभाले पारित गरेको उनले बताए । उनले लिक्टेनस्टाइनको यो प्रस्तावलाई ८३ सदस्य राष्ट्रको समर्थन रहेको र सर्वसम्मतिले पारित भएको बताए ।

Today, presided over the #GeneralAssembly that took action on Liechtenstein’s #VetoInitiative draft resolution which mandates a meeting of the #GA whenever a #veto is cast in the #SecurityCouncil.

The resolution 76/262, cosponsored by 83 Member States, was adopted by consensus. pic.twitter.com/mX7JKgdCXl

— UN GA President (@UN_PGA) April 26, 2022

संयुक्त राष्ट्रसंघको सुरक्षा परिषदमा अमेरिकाबाहेक बेलायत, रुस, फ्रान्स र चीनसँग भिटो शक्ति छ । यी देशहरूले सुरक्षा परिषदको कुनै पनि प्रस्तावलाई भिटो गर्न सक्छन्। तर, प्रस्ताव पारित भएपछि अब यो विषय महासभामा जानेछ, जहाँ सदस्य राष्ट्रले छलफल गरेर आफ्नो राय दिन सक्नेछन् ।