काठमाडौं । राम्रो तलब वा धेरै आम्दानी हुँदा हुँदै पनि कतिपयको गोजी भने सधैं खाली हुन्छ । उनको बैंक ब्यालेन्स सधैं खाली हुन्छ । यसको पछाडिको कारण के हो ? यस विषयमा ज्योतिषहरु यसो भन्छन् । कतिपयले जानीजानी वा अनजानमा यस्ता अशुभ वस्तु आफ्नो पर्समा राख्दा नकारात्मक ऊर्जाको दबाब बढ्ने गर्दछ । यही कारणले गर्दा यी मानिसहरूको गोजी सधैं खाली हुन्छ। ज्योतिषाहरुले यस्ता ५ कुराको बारेमा बताएका छन्। जुन कुरा पर्समा राख्दा, आर्थिक संकटले घेर्ने गर्दछ ।

बिल– पर्समा बिल वा अनावश्यक पेपर जस्ता चीजहरू कहिल्यै राख्नु हुँदैन। पर्समा फोनको बिल, बिजुलीको बिल वा घरायसी खर्चको सूची पनि नराख्नुहोस्।
यी सबै अनावश्यक कुराहरु राहुको रूप हो जसले अनावश्यक खर्च बढाउँछ।

पुर्खाको तस्बिर– कतिपय मानिसहरुले आफ्नो पर्समा पुर्खाको तस्बिर राख्छन् । ज्योतिषाचार्य भन्छन् कि पुर्खाको सम्मान धेरै महत्त्वपूर्ण हुन्छ । उहाँको आशीर्वाद बिना हामी जीवनमा आर्थिक समृद्धिको कल्पना पनि गर्न सक्दैनौं। तर पर्समा राख्नु उचित होइन। उनीहरूलाई पर्सको सट्टा घरमा उचित स्थान दिनुहोस्। घरको दक्षिण(पश्चिम दिशामा राख्दा राम्रो हुन्छ।

देवी–देवताको तस्बिर–कतिपय मानिसहरू आफ्नो पर्समा देवी–देवताको तस्बिर राख्ने गर्दछन् । त्यसो गर्नु पटक्कै ठीक होइन । यसो गर्नाले देवी लक्ष्मी क्रोधित हुन सक्छिन् । पर्सको सट्टा घर र मनमा देवताहरूलाई स्थान दिनुहोस्।

चाबी– चाबी आफ्नो पर्समा राख्नु ठीक होइन। चाबी पर्समा राख्दा व्यापार र धनमा हानि हुन्छ । वास्तुका अनुसार पर्समा सिक्का बाहेक अन्य कुनै धातु राख्दा नकारात्मक ऊर्जा उत्पन्न हुन्छ र देवी लक्ष्मी क्रोधित हुन्छिन् । त्यसैले चाबीहरू राख्नको लागि उपयुक्त ठाउँ बनाउनुहोस्।

पर्समा पैसा कसरी राख्ने– पर्समा पैसा जहिले पनि राम्रो संग मिलाएर राख्नुहोस्। नोटलाई फोल्ड गरेर पर्समा राख्नुको सट्टा, तिनीहरूलाई राम्रोसँग गणना गर्नुहोस् र व्यवस्थित रूपमा पर्समा राख्नुहोस्। तपाईको पर्समा कति पैसा छ भनेर तपाईलाई सधैं थाहा हुनुपर्छ। पैसालाई खुम्चाएर राख्ने खराब बानीले आर्थिक अवस्थामा कमजोर बनाउँछ।