काठमाडौं । भारतका लागि जर्मन राजदूत फिलिप एकरम्यानले अरुणाचल प्रदेशमा चीनको दाबीमाथि प्रश्न उठाएका छन् । यो दाबी स्तब्ध पार्ने खालको भएको उनले बताए ।

यससँगै उनले भारतसँगको सीमामा चिनियाँ अतिक्रमणलाई निकै अप्ठ्यारो मामिला भन्दै यसलाई स्वीकार गर्न नहुने बताए ।

Very happy & slightly overwhelmed by presence of so many journalist at my first press conference. In a very engaging hour, we discussed Indo-German partnership in climate, business & innovation. Also questions on RUS war in UKR & CHN. Looking forward to more fruitful discussions! pic.twitter.com/8paGtiym7M

— Dr Philipp Ackermann (@AmbAckermann) August 30, 2022

सञ्चारमाध्यमसँगको अन्तरक्रियामा फिलिप एकरम्यानले चीनसँगको भारतको सिमानामा देखिएको समस्या युक्रेनमा रुसी आक्रमणभन्दा फरक रहेको र दुवै मुद्दालाई एउटै लेन्सबाट हेर्न नसकिने बताए ।

एसियामा अन्तर्राष्ट्रिय कानूनको उल्लङ्घनमा युरोप प्रायः मौन रहन्छ, तर आफ्नो क्षेत्रमा कठिनाइ हुँदा फरक प्रतिक्रिया दिन्छ भन्ने मिडियाले प्रश्न गर्दा फिलिपले यो बयान दिएका थिए।