काठमाडौं । अमेरिकी न्यायाधीश रेमण्ड डिअरीले पूर्व अमेरिकी राष्ट्रपति डोनाल्ड ट्रम्पको फ्लोरिडास्थित घरबाट फेला परेका फाइलहरूको जाँच गर्नेछन्।

७८ वर्षीय डिअरीले ट्रम्पको घरमा भेटिएका कागजातहरू अदालतको कारबाहीमा प्रयोग गर्न सकिन्छ कि भनेर अनुसन्धान गर्नेछन्।

न्यायाधीश डेअरीको नाम ट्रम्पको टोलीले सुझाव दिएको थियो, जसमा अमेरिकी न्याय विभागले कुनै आपत्ति जनाएको छैन।

पूर्व अमेरिकी राष्ट्रपतिविरुद्ध पदमा रहँदा गुप्तचर सामग्री प्रयोग गरेको विषयमा अनुसन्धान भइरहेको छ ।

यसअघि अमेरिकी न्याय विभागका अधिकारीहरूले ट्रम्पको फ्लोरिडाको घरबाट बरामद गरिएका कागजातहरूमा एफबीआई अन्वेषकहरूबाट लुकाएको जानकारी हुन सक्ने बताएका थिए।

अधिकारीहरूले यो पनि भनेका छन् कि राष्ट्रपति पद छोडेपछि ट्रम्पले यी सबै कागजातहरू नेशनल अर्काइभ्सलाई हस्तान्तरण गर्नुपर्थ्यो। किनभने हरेक अमेरिकी राष्ट्रपतिले कानुनद्वारा गर्नुपर्ने कुरा यही हो।

तर डोनाल्ड ट्रम्पले कुनै पनि गल्तीलाई अस्वीकार गर्दै आफ्नो कार्यकालमा यी सबै कागजातहरू सार्वजनिक गरेको बताएका छन्।