काठमाडौं । प्रमुख प्रतिपक्षी दल नेकपा एमालेका उपमहासचिव एवं पूर्वमन्त्री प्रदीप ज्ञवालीले सत्तागठबन्धन भागबण्डाका लागि बैठक बस्दाबस्दा सोफाको खोल नै च्यातिसकेको कटाक्ष गरेका छन् ।

पार्टी मुख्याल च्यासलमा जारी पार्टी निकट लोकतान्त्रिक आदिवासी जनजाति महासंघको बैठकलाई सम्बोधन गर्दै उनले यसतो कटाक्ष गरेका हुन् । अहिलेसम्म ५ वर्षमा को–को पालो गरेर प्रधानमन्त्री बन्ने भन्ने ध्याउन्नमा पाँच दल अड्किएको बताए ।

‘अहिलेसम्म ५ वर्षमा कोको पालो गरेर प्रधानमन्त्री बन्नेमा लागेका छन् । उनीहरूलाई जनताको चिन्ता छैन, अछाममा बाढी आओस्, डेंगु आओस् एकरति आँसु नि झार्दैनन्’, ज्ञवालीले भने ।