काठमाडौं । पाकिस्तानका प्रधानमन्त्री शाहबाज शरीफ र उनका छोरा हम्जा शाहबाजले एफआईए मनी लन्ड्रिङ मुद्दामा सफाइ पाएका छन्।

केही समयअघि लाहोरको विशेष केन्द्रीय अदालतले शहबाज शरीफ र हमजा शाहबाजलाई मनी लन्ड्रिङ मुद्दामा सफाइ दिएको थियो।

एफआईएले नोभेम्बर २०२० मा प्रधानमन्त्री शाहबाज शरीफ, उनका छोरा हम्जा शाहबाज र सलमान शाहबाज लगायत अन्य आरोपीहरू विरुद्ध मनी लन्ड्रिङको आरोपमा मुद्दा दर्ता गरेको थियो।

शाहबाज शरीफ र उनका छोरामाथि १६ अर्ब पाकिस्तानी रुपैयाँको सम्पत्ति शुद्धीकरणको आरोप छ ।

सन् २०२० मा शाहबाज शरीफको जमानत याचिका खारेज भएपछि उनी मनी लन्ड्रिङको मुद्दामा पक्राउ परेका थिए । उनले लाहोरको कोट लखपत सेन्ट्रल जेलमा सात महिना बिताए।