काठमाडौं । अमेरिकामा आगामी दिनमा हुन लागेको मध्यावधि निर्वाचनको प्रचारप्रसार नोभेम्बर ७ गते साँझ सकिँदैछ । अमेरिकी पूर्व राष्ट्रपति डोनाल्ड ट्रम्प रिपब्लिकन पार्टीका उम्मेदवारका लागि प्रचारप्रसार गरिरहेका छन् ।

वर्तमान अमेरिकी राष्ट्रपति जो बाइडेन आफ्नो डेमोक्र्याटिक पार्टीको समर्थन जुटाउन आइतबार न्यूयोर्कमा देखा परे। रिपब्लिकन उम्मेदवार ली गेल्डिनबाट कडा चुनौतीको सामना गरिरहेकी आफ्नो पार्टी नेता क्याथी होचुलको समर्थनमा न्युयोर्कमा आयोजित र्‍यालीमा बाइडेन सहभागी भए।

बाइडेनले होचुललाई समर्थन गर्दै भने, “गभर्नर होचुल न्युयोर्कको पहिलो महिला गभर्नर हुन् र मङ्गलबार राति तपाईंको समर्थनले उनी न्यूयोर्कको पहिलो निर्वाचित गभर्नर बन्नेछिन्।”

गत वर्ष न्युयोर्कका गभर्नर एन्ड्रयु कुमोले यौन दुर्व्यवहारको आरोप लागेपछि राजीनामा दिएका थिए । यसपछि क्याथी होचुल न्युयोर्कको गभर्नर भइन् ।

केही समयदेखि न्यूयोर्कमा गभर्नर पदको दौड निकै चुनौतीपूर्ण बन्दै गएको छ भने न्यूयोर्कलाई मूलतः डेमोक्रेटिक सिट मानिन्छ। बाइडेनले यो र्‍यालीमा रिपब्लिकन पार्टीले यो सिट जित्दा लोकतन्त्रको जरा कमजोर हुने पनि बताए ।

डोनाल्ड ट्रम्पले आइतवारको एक र्‍यालीमा पनि आफू फेरि चुनावी मैदानमा उत्रने संकेत गरेका थिए । सोही र्‍यालीमा उनले आफ्नो झुटो दाबी दोहोर्‍याउँदै भने, ‘मैले दुईपटक चुनाव लडेँ र दुईपटक चुनाव जितें ।’

अमेरिकी मतदाताहरूले प्रत्येक दुई वर्षमा हुने मध्यावधि चुनावमा अमेरिकी कांग्रेसका सदस्यहरू चयन गर्छन्। यसमा, अमेरिकी नेताहरू हाउस अफ रिप्रिजेन्टेटिभ र सिनेटका सीटहरूका लागि खडा हुन्छन्।

अमेरिकामा, सिनेटमा प्रत्येक राज्यका लागि दुई सिट अनुसार जम्मा १०० सिटहरू छन्। र साना जिल्लाका आधारमा प्रतिनिधिसभामा ४ सय ३५ सिट छन् ।

अमेरिकी सिनेटरको कार्यकाल ६ वर्षको हुन्छ । त्यसैगरी, प्रतिनिधिसभाको सदस्यता दुई वर्षको हुन्छ ।

यस निर्वाचनमा सदनका सबै सिट र सिनेटको एक तिहाइ सिटका लागि निर्वाचन हुँदैछ ।

अमेरिकी राजनीतिको दृष्टिकोणबाट, यी चुनावहरू धेरै महत्त्वपूर्ण छन् किनभने अमेरिकी कांग्रेसलाई कानुनलाई रोक्ने र कानून पारित गर्ने शक्ति छ।