न्युयोर्क। विश्वकै धनाढ्य तथा ट्वीटरका नयाँ मालिक एलोन मस्कले ट्वीटरका कर्मचारीहरूलाई ‘उच्च तीव्रतामा लामो समयसम्म’ काम गर्न प्रतिबद्ध हुन वा कम्पनी छोड्न आदेश दिएका छन्। वासिंगटनपोस्टका अनुसार सामाजिक सञ्जाल ट्वीटरका नयाँ मालिक मस्कले कर्मचारीहरूलाई ईमेलमा भनेका छन कि यदि कामदारहरू बस्न चाहन्छन् भने वाचामा सहमत हुनुपर्छ।

ट्वीटरमा काम गर्ने वा छोड्ने निर्णय लिन सबै कर्मचारीलाई बिहीबार अपरान्ह ५ बजेसम्मको समय दिएका छन्। उनले अगाडि भनेका छन्, ‘तपाईंले जुनसुकै निर्णय गर्नुहुन्छ। ट्विटरलाई सफल बनाउनको लागि तपाईंको प्रयासको लागि धन्यवाद।’

बिहीबार सम्म साइन अप नगर्नेहरूलाई तीन महिनाको तलब दिएर बिदा गर्ने मस्कले बताए। ‘यसको मतलब उच्च तीव्रतामा लामो घण्टा काम गर्ने हो। केवल असाधारण प्रदर्शनले उत्तीर्ण ग्रेड हुनेछ’, उनले भने।

मस्कको योजनाअनुसार काम गर्न तयार रहे नरहेकोबारे कर्मचारीहरूले निर्णय लिनुपर्ने न्युयोर्क टाइम्सले जनाएको छ।